2009/2010 වසරවල සේවයට එක්වූ ග්රාම නිලධාරී කණ්ඩායම මුහුණ දෙන දීර්ඝකාලීන ශ්රේණි ගැටලුවට කඩිනම් විසඳුම් අපේක්ෂාවෙන්, ඔවුන්ගේ 17 වැනි සේවා සංවත්සරය යෙදුණු ඊයේ (02) දිනයේ දිවයින පුරා සර්වාගමික වතාවත් පවත්වා තිබේ.
ප්රධාන බෞද්ධ ආගමික වතාවත් ඓතිහාසික කැලණිය රාජමහා විහාරයේ සහ ගැටඹේ රාජමහා විහාරයේදී පැවැත්වුණු අතර, යාපනය නල්ලූර් කන්දස්වාමි කෝවිල සහ මඩකළපුව වෙල්ලාවේලි කෝවිලේදී හින්දු ආගමික වතාවත් ද, සායින්දමරුදු මොහිදීන් ජුම්මා පල්ලියේදී ඉස්ලාම් ආගමික වතාවත් ද පවත්වා ඇත.
මෙම ගැටලුව නිරාකරණය කරගැනීම සඳහා රාජ්ය පරිපාලන අමාත්යාංශ ලේකම්වරයා ඇතුළු නිලධාරීන්ට සෙත් පැතීමත්, සේවයේ සිටියදීම මියගිය සහ විශ්රාම ගිය සාමාජිකයන්ට පින් පැමිණවීමත් මෙහි ප්රධාන අරමුණ විය.
පසුගිය පෙබරවාරි 27 වැනිදා රාජ්ය පරිපාලන අමාත්යාංශ ලේකම්වරයා සමඟ පැවති සාකච්ඡාවකදී, අදාළ අමාත්යවරයා හරහා මෙම ශ්රේණි ගැටලුවට විසඳුම් ලබා දීමට එකඟතාව පළ වූ බව 2009/2010 ග්රාම නිලධාරී එකමුතුව පවසයි. වසර 17ක් පුරා පවතින මෙම අසාධාරණයට කැබිනට් මණ්ඩලය හරහා සාධාරණයක් ඉටුවනු ඇතැයි ඔවුන් විශ්වාසය පළ කරයි.
