හංවැල්ල, ඇඹුල්ගම හන්දිය ප්රදේශයේ පිහිටි වෙළඳසැලක නීතිවිරෝධී ලෙස ඩීසල් තොගයක් රැස් කරගෙන සිටි සැකකරුවන් දෙදෙනෙකු හංවැල්ල පොලීසිය විසින් අද (20) අත්අඩංගුවට ගෙන තිබේ. පවතින ඉන්ධන අර්බුදය හමුවේ වැඩි මිලට අලෙවි කිරීමේ අරමුණින් මෙම ඩීසල් තොගය සඟවා තබාගෙන ඇති බව මූලික පොලිස් විමර්ශනවලදී හෙළි විය.
අදාළ වෙළඳසැල් පරිශ්රය පරීක්ෂා කිරීමේදී බැරල් සහ කෑන් 40ක පමණ අසුරා තිබූ ඩීසල් ලීටර් 720ක පමණ ප්රමාණයක් සොයා ගැනීමට පොලීසිය සමත් වී ඇත. අත්අඩංගුවට ගත් සැකකරුවන් හෙට (21) හෝමාගම මහේස්ත්රාත් අධිකරණය වෙත ඉදිරිපත් කිරීමට නියමිතය.
දිවයින පුරා ඉන්ධන පෝලිම් පවතින මෙවන් වකවානුවක, මෙලෙස ඉන්ධන ජාවාරම්වල නිරත වන පුද්ගලයන් සොයා වැටලීම් දැඩි කරන ලෙස පොලිස් මූලස්ථානය සියලුම පොලිස් ස්ථාන වෙත උපදෙස් දී තිබේ. හංවැල්ල පොලීසිය සිද්ධිය සම්බන්ධයෙන් වැඩිදුර විමර්ශන පවත්වයි.
