පානදුර උතුර ප්රදේශයේ ප්රසිද්ධ මල් ශාලාවක් පවත්වාගෙන යන මුවාවෙන් සිදුකරගෙන ගිය මහා පරිමාණ හෙරොයින් ජාවාරමක් වටලා සැකකරුවන් දෙදෙනෙකු අත්අඩංගුවට ගැනීමට පානදුර උතුර පොලීසිය සමත්ව තිබේ. ඊයේ (25) පස්වරුවේ පොලීසියට ලැබුණු රහසිගත තොරතුරක් මත මෙම වැටලීම සිදුකර ඇත.
මෙහිදී අත්අඩංගුවට ගෙන ඇත්තේ අදාළ මල් ශාලාවේ හිමිකරුගේ 39 හැවිරිදි පුත්රයා සහ ඔහුගේ 69 හැවිරිදි මවයි. වැටලීම සිදුකරන අවස්ථාවේදී ඔවුන් සන්තකයේ තිබී හෙරොයින් ග්රෑම් 21ක් පොලිස් භාරයට ගෙන තිබේ.
අත්අඩංගුවට ගත් සැකකරුවන් සම්බන්ධයෙන් මුදල් විශුද්ධිකරණ පනත යටතේ ඉදිරි විමර්ශන සිදු කිරීමට පොලීසිය බලාපොරොත්තු වන අතර, ඔවුන් අද දින පානදුර මහෙස්ත්රාත් අධිකරණයට ඉදිරිපත් කිරීමට නියමිතව ඇත. මල් ශාලාවක් වැනි පොදු ස්ථානයක් මුවාවෙන් මෙවැනි ජාවාරමක් පවත්වාගෙන යාම ප්රදේශවාසීන්ගේ දැඩි කතාබහට ලක්ව තිබේ.
