හෝමාගම ප්රදේශයේ පැවති සාදයක් අතරතුර මියගිය පෞද්ගලික විශ්වවිද්යාල සිසුවාගේ මරණයට හේතුව හෘදයාබාධයක් බව පශ්චාත් මරණ පරීක්ෂණයේදී අද (අප්රේල් 10) අනාවරණය වී තිබේ. මෙලෙස මියගොස් ඇත්තේ නිකදළුපොත, වැල්ලව ප්රදේශයේ පදිංචිව සිටි 19 හැවිරිදි තරුණයෙකි.
හෝමාගම, මොරගහහේන ප්රදේශයේ ඊයේ (අප්රේල් 09) රාත්රී පැවති මෙම සාදය අතරතුර සිසුන් පිරිසක් අතර ඇති වූ බහින්බස්වීමක් ගැටුමක් දක්වා දුරදිග ගොස් තිබුණි. එම අවස්ථාවේදී මෙම සිසුවා අසාධ්ය තත්ත්වයට පත්ව මියගොස් ඇති අතර, මරණයට හේතුව පහරදීමක් බවට සැකකළ පොලීසිය එම විශ්වවිද්යාලයේම සිසුන් පස්දෙනෙකු සැකපිට අත්අඩංගුවට ගෙන තිබුණි.
කෙසේ වෙතත්, වෛද්ය වාර්තා මගින් මරණය ස්වභාවික හෘදයාබාධයකින් සිදුවූවක් බව තහවුරු වී ඇති අතර සිද්ධිය සම්බන්ධයෙන් හෝමාගම පොලීසිය වැඩිදුර විමර්ශන සිදුකරනු ලබයි.
