ඉරානය ආශ්රිතව හටගෙන ඇති යුදමය ගැටුම් හේතුවෙන් ලොව වැදගත්ම බලශක්ති මාවතක් වන හෝමූස් සමුද්ර සන්ධිය හරහා සිදුවන තෙල් ප්රවාහන කටයුතු දැඩි ලෙස සීමා වී ඇති අතර එමඟින් ලෝක වෙළඳපොළේ තෙල් මිල ඉහළ යමින් පවතී. Fitch Ratings ආයතනය පෙන්වා දෙන්නේ ආරක්ෂක අවදානම් හේතුවෙන් නැව් සමාගම් මෙම මාර්ගය මඟහැරීම නිසා සමුද්ර සන්ධිය “ඵලදායී ලෙස වැසී යාමකට” සමාන තත්ත්වයක් පවතින බවයි.
කෙසේ වෙතත් හෝමූස් සමුද්ර සන්ධියේ පවතින ආර්ථික වැදගත්කම නිසා මෙම අවහිරතාවය තාවකාලික වනු ඇති බව Fitch ආයතනයේ විශ්ලේෂක ඇන්ජලීනා වැලවිනා පවසයි. ලෝක තෙල් පරිභෝජනයෙන් 20% ක් පමණ සැපයෙන්නේ මෙම මාර්ගය හරහා වන අතර, දැනට පවතින අධික තෙල් තොග සහ සවුදි අරාබිය මෙන්ම එක්සත් අරාබි එමීර් රාජ්යය සතු විකල්ප නල මාර්ග හේතුවෙන් තෙල් මිල දිගින් දිගටම ඉහළ යාම පාලනය වනු ඇතැයි අපේක්ෂා කෙරේ. හෝමූස් සමුද්ර සන්ධිය හරහා දිනකට බොරතෙල් බැරල් මිලියන 20 ක් පමණ ප්රවාහනය කෙරෙන අතර ඉන් අඩක්ම චීනය සහ ඉන්දියාව වෙත ලැබෙන සැපයුම් වේ.
