ඉන්දියාව අවසන් සටනට
![](https://ttvnews.lk/wp-content/uploads/2024/06/ind.jpg)
ගයනා හි ප්රොවිඩන්ස් ක්රීඩාංගණයේදී පැවැති දෙවැනි අවසන් පූර්ව තරගයේදී එංගලන්තයට එරෙහිව විශිෂ්ට ජයක් අත්කර ගත් ඉන්දියාව තෙවැනි වරටත් විස්සයි20 ලෝක කුසලානයේ අවසන් මහා තරගයට පිවිසීමට සමත්විය.
තරගයේ කාසියේ වාසිය දිනු එංගලන්තය කණ්ඩායම පළමුව පන්දුවට පහරදීමේ අවස්ථාව ඉන්දීය කණ්ඩායමට ආරාධනා කළේය.
පළමුවෙන් පන්දුවට පහර දීමට තීරණය කළ ඉන්දීය කණ්ඩායම නියමිත පන්දුවාර 20 තුළ කඩුලු 7ක් දැවී ලකුණු 171ක් ලබා ගත්තේය.
නායක රෝහිත් ශර්මා පන්දු 39කදී ලකුණු 57ක් රැස් කළේය.
ලකුණු 172ක ජයග්රාහී ඉලක්කයක් හඹා ගිය එංගලන්ත කණ්ඩායමට පන්දුවාර 16යි පන්දු 04ක් අවසානයේ සියලු දෙනා දැවී ලබා ගත හැකි වුයේ ලකුණු 103ක් පමණයි.
ඉන්දීය කණ්ඩායම සහ දකුණු අප්රිකානු කණ්ඩායම මෙම ලෝක කුසලාන තරගාවලියේ මෙතෙක් ක්රීඩා කළ සියලුම තරග ජයග්රහණය කර තිබීම විශේෂත්වයක් වෙයි.
ඒ අනුව 2024 පන්දුවාර 20යි 20 ලෝක කුසලාන අවසාන මහා තරගය දකුණු අප්රිකානු කණ්ඩායම සහ ඉන්දීය කණ්ඩායම අතර එළඹෙන සෙනසුරාදා පැවැත්වීමට නියමිතය.