මධ්ය ප්රදේශ්හි ඉන්දෝර් (Indore) නුවරදී සිය පංති සගයා වූ 25 හැවිරිදි තරුණියක දූෂණය කර ඝාතනය කළ බවට චෝදනා ලැබූ පියුෂ් දනෝටියා (Piyush Dhanotia) නැමැති සැකකරු, පොලිස් අත්අඩංගුවේ පසුවන අතරතුර කිසිදු පසුතැවිල්ලක් නොමැතිව මාධ්ය හමුවේ සිනාසෙමින් කටයුතු කිරීම ඉන්දියාව පුරා දැඩි ආන්දෝලනයක් ඇති කර තිබේ.
සැකකාර පියුෂ්, පෙබරවාරි 10 වනදා සිය පංති සගයා වූ තරුණිය ගෙල සිරකර ඝාතනය කර ඇති අතර, පසුව ඇයගේ සිරුරට අගෞරව කර ඇත. ඝාතනයෙන් පසු ඔහු සිය කුලී කාමරය අගුළු දමා පලා ගොස් ඇති අතර, සිරුර නරක් වෙමින් තිබියදී පොලිසිය විසින් සොයා ගනු ලැබුවේ පසුගිය සිකුරාදාය.
මෙම අපරාධය සිදු කරන ආකාරය දැක්වෙන වීඩියෝවක් ඔවුන්ගේ විද්යාලයේ වට්ස්ඇප් (WhatsApp) සමූහයට මුදා හැරීමට ද සැකකරු කටයුතු කර තිබේ. එහිදී සැකකරුගේ මුහුණ සඟවා තිබුණ ද, වින්දිත තරුණියගේ මුහුණ පැහැදිලිව පෙනෙන්නට තිබූ බව පොලිසිය පවසයි.
ඝාතනයෙන් පසු සැකකරු නවී මුම්බායි (Navi Mumbai) ප්රදේශයට පලා ගොස් ඇති අතර, එහිදී ඔහු මියගිය තරුණියගේ ආත්මය සමඟ සන්නිවේදනය කිරීමට යැයි පවසමින් සූනියම් හෝ ගුප්ත විද්යා ක්රම (Witchcraft) සිදු කර ඇති බව අනාවරණය වී ඇත.
මාධ්යවේදීන් ඔහුගෙන් මෙම අපරාධය කිරීමට හේතුව විමසූ විට, ඔහු ඉතා සන්සුන්ව සිනාසෙමින් “දැන් ඕවා දැනගෙන මොනවා කරන්නද? වෙන්න තියෙන දේ වුණා” යනුවෙන් පිළිතුරු දී තිබේ. සැකකරු පවසන තොරතුරු සහ ඔහුගේ ක්රියාකලාපය කෙතරම් බියකරු ද යත්, පරීක්ෂණ පවත්වන කාන්තා පොලිස් පරීක්ෂකවරිය පවා එම තොරතුරු අසා හඬා වැටුණු බව වාර්තා වේ.
සැකකරු මීට පෙර ද මානසික ආතතියෙන් පෙළුණු බව පවසා ඇති නමුත්, පොලිසිය පවසන්නේ ඔහු සැලසුම් සහගතව මෙම අපරාධය සිදු කර ඇති බවයි.
