ඉරානයේ හිටපු උත්තරීතර නායක අයතුල්ලා අලි කමේනිගේ පුත්රයා සහ ඔහුගේ අනුප්රාප්තිකයා වීමට වැඩි ඉඩකඩක් ඇති බවට සැලකෙන 56 හැවිරිදි මොජ්තාබා කමේනි (Mojtaba Khamenei), ඊශ්රායල ගුවන් ප්රහාරයකින් බරපතළ තුවාල ලබා ඇති බව වාර්තා වේ. ‘ටයිම්ස් ඔෆ් ඊශ්රායල්’ පුවත්පත උපුටා දක්වමින් මෙම තොරතුරු අනාවරණය වී ඇති නමුත් ඉරාන රජය මේ දක්වා නිල ප්රකාශයක් නිකුත් කර නොමැත.
මෙම තීරණාත්මක සිදුවීම පිළිබඳ වාර්තා වන තොරතුරු මෙසේය. පසුගිය පෙබරවාරි 28 වැනිදා ක්රියාත්මක වූ ‘Lion’s Roar’ (සිංහ ගර්ජනාව) යුද මෙහෙයුමේදී මොජ්තාබා කමේනි ඉලක්ක කර මෙම ඝාතන තැත් කිරීම සිදු වී තිබේ. අදාළ ප්රහාරය එල්ල වන අවස්ථාවේ ඔහු තම පියා සමඟ ටෙහෙරානයේ පිහිටි ආරක්ෂිත මධ්යස්ථානයේ සිටියේද නැතහොත් වෙනත් ස්ථානයකදී ප්රහාරයට ලක්වූයේද යන්න මෙතෙක් තහවුරු වී නොමැත. ඔහුගේ තුවාලවල ස්වභාවය සහ බරපතළකම පිළිබඳව ද නිශ්චිත තොරතුරු වාර්තා නොවේ.
ඇමෙරිකානු ජනාධිපති ඩොනල්ඩ් ට්රම්ප් මීට පෙර ප්රකාශ කළේ එම මෙහෙයුමෙන් ඉරාන ඉහළ පෙළේ නායකයන් කිහිපදෙනෙකු මියගිය බවයි. අයතුල්ලා අලි කමේනි ද එම ප්රහාරයෙන් මියගිය බව ඉරාන, ඇමෙරිකානු සහ ඊශ්රායල බලධාරීන් දැනටමත් තහවුරු කර ඇත. මේ අතර, ඉරානයේ විශේෂඥ මණ්ඩලය (Assembly of Experts) නව නායකයෙකු සම්බන්ධයෙන් ඒකමතික තීරණයකට පැමිණ ඇති බවට පළවන වාර්තා මධ්යයේ මොජ්තාබා කමේනි පිළිබඳ මෙම පුවත ප්රබල දේශපාලන කම්පනයක් ඇති කර තිබේ.
