ඉරානය, ඇමරිකා එක්සත් ජනපදය සහ ඊශ්රායලය අතර පවතින යුද උණුසුම අතිශය දරුණු අතට හැරෙමින් පවතින පසුබිමක, ඉරාන විදේශ අමාත්ය අබ්බාස් අරග්චි පවසන්නේ තම රට ඕනෑම ආකාරයක යුද ව්යාප්තියකට සූදානම් බවයි. NBC Nightly News පුවත් සේවය සමඟ අදහස් දක්වමින් ඔහු අවධාරණය කළේ ඇමරිකානු හමුදා ඉරානයට ගොඩබිම් ප්රහාරයක් එල්ල කිරීමට සූදානම් නම් ඉරානය ඊට නොබියව මුහුණ දීමට සූදානම් බවයි.
පසුගිය සෙනසුරාදා සිට ඇමරිකාව සහ ඊශ්රායලය එක්ව ඉරානයට එල්ල කරන ගුවන් ප්රහාරවලින් එරට හමුදා ආරක්ෂක පද්ධතිවලට දැඩි හානි සිදු වී ඇති අතර උත්තරීතර නායක අලි කමේනි ද මියගොස් ඇති බව වාර්තා වේ. එසේ වුවත් ඉරානය ඇමරිකාව සමඟ කිසිදු සාකච්ඡාවකට සූදානම් නැති බවත්, සටන් විරාමයක් ඉල්ලා නොමැති බවත් විදේශ අමාත්යවරයා පවසා තිබේ. “අපි ඔවුන් එනතුරු බලා සිටිනවා, ඔවුන්ට මුහුණ දීමට අපට විශ්වාසයක් තිබෙනවා. එය ඔවුන්ට (ඇමරිකාවට) විශාල ව්යසනයක් වනු ඇතැයි” ඔහු වැඩිදුරටත් සඳහන් කළේය.
