ඉරාන උත්තරීතර නායක අයතුල්ලා අලි කමේනිගේ අභාවයත් සමඟ, ඉරානය හෝ ඔවුන්ගේ සහාය ලබන සන්නද්ධ කණ්ඩායම් විසින් ඇමරිකානු ඉලක්ක වෙත ප්රහාර එල්ල කිරීමේ දැඩි සම්භාවිතාවක් පවතින බව ඇමරිකානු බුද්ධි අංශ වාර්තා පෙන්වා දෙයි. විශේෂයෙන් ඇමරිකානු දේශීය ආරක්ෂක දෙපාර්තමේන්තුව (DHS) පෙන්වා දෙන්නේ ඇමරිකානු එක්සත් ජනපදය තුළ පවා ඉලක්කගත ප්රහාර එල්ල වීමේ හැකියාවක් පවතින බවයි.
කෙටි කාලීන වශයෙන් ඉරාන හිතවාදී සයිබර් ක්රියාකාරීන් විසින් ඇමරිකානු වෙබ් අඩවි අඩපණ කිරීමේ සයිබර් ප්රහාර එල්ල කළ හැකි අතර, මැදපෙරදිග කලාපයේ සිටින ඇමරිකානු හමුදා සහ මිත්ර පාර්ශවයන් වෙත එල්ල වන ප්රහාර තවදුරටත් තීව්ර වනු ඇතැයි බුද්ධි අංශ අපේක්ෂා කරයි. මේ වන විටත් ඉරානය විසින් ඇමරිකානු කඳවුරු පවතින ගල්ෆ් කලාපයේ රටවලට මිසයිල සහ ඩ්රෝන ප්රහාර එල්ල කරමින් සිටින අතර ලෙබනනය තුළ පුද්ගලයන් 30,000කට අධික පිරිසක් අවතැන් වී ඇති බව වාර්තා වේ.
