වතු කම්කරුවන්ගේ දෛනික වැටුප රුපියල් 1,750 දක්වා වැඩි කිරීමට රජය පියවර ගත්තද, වතු සමාගම් විසින් මෙතෙක් ලබාදුන් සුභසාධන දීමනා කප්පාදු කර ඇති බව ලංකා කම්කරු කොංග්රසයේ මහලේකම් පාර්ලිමේන්තු මන්ත්රී ජීවන් තොන්ඩමන් මහතා පවසයි. කොටගලදී පැවති විශේෂ රැස්වීමකදී ඒ මහතා ජනාධිපති අනුර කුමාර දිසානායක මහතාට අභියෝග කළේ, හැකි නම් ආරක්ෂක අංශ පමණක් පිරිවරාගෙන වතු නිවාසවලට පැමිණ එම ජනතාවගේ සැබෑ ජීවන තත්ත්වය සොයා බලන ලෙසයි. වැටුප් වැඩි කිරීම සම්බන්ධයෙන් රජය සහ වතු සමාගම් අත්සන් කළ අවබෝධතා ගිවිසුම ප්රසිද්ධ කරන ලෙසත්, එසේ නොකිරීම තුළින් මෙම වැටුප් වැඩිවීම අඛණ්ඩව ලැබේද යන්න පිළිබඳව සැකයක් පවතින බවත් ඔහු සඳහන් කළේය. එසේම පසුගිය පාලන සමයේ ඉන්දීය රජයේ ආධාර මත ආරම්භ කළ නිවාස ව්යාපෘති රැසක් මේ වන විට නැවතී ඇති බවත්, ඒවා අවසන් කිරීමට රජයට වැඩපිළිවෙළක් නොමැති බවත් මන්ත්රීවරයා වැඩිදුරටත් චෝදනා කළේය.
