කඩුවෙල, වැලිවිට ප්රදේශයේ නිවසක කුරුළු කූඩුවක් තුළ සූක්ෂම ලෙස සඟවා තිබූ විදේශීය රටක නිෂ්පාදිත රිවෝල්වරයක් සමඟ සැකකරුවකු අත්අඩංගුවට ගැනීමට කඩුවෙල පොලිසිය අද (08) පස්වරුවේ සමත් විය. කඩුවෙල පොලිස් ස්ථානාධිපතිවරයාට ලැබුණු පෞද්ගලික තොරතුරක් මත සිදුකළ වැටලීමකදී මෙම ගිනි අවිය සොයාගෙන තිබේ.
අත්අඩංගුවට ගත් සැකකරුගෙන් සිදුකළ ප්රශ්න කිරීම්වලදී මෙම සඟවා තිබූ ගිනි අවිය පිළිබඳ තොරතුරු හෙළි වී ඇති අතර, මෙය කිසියම් අපරාධයක් සඳහා යොදාගත්තක් ද නැතහොත් කුලී පදනම මත ලබාදීමට සඟවා තැබූවක් ද යන්න පිළිබඳව පොලිසිය පුළුල් විමර්ශනයක් ආරම්භ කර ඇත.
