ප්රවීණ රැප් ගායක කැනියේ වෙස්ට් (Ye) විසින් 2026 වසරේ පවත්වනු ලබන යුරෝපා සංචාරයේ ප්රංශය, බ්රිතාන්යය, පෝලන්තය සහ ස්විට්සර්ලන්තය යන රටවල සංදර්ශන දැනටමත් අවලංගු කර ඇති අතර, ඔහුගේ මීළඟ ඉතාලි සංදර්ශනයට ද මේ වන විට දැඩි දේශපාලන සහ වෘත්තීය සමිති විරෝධයක් එල්ල වෙමින් පවතී. ඔහුගේ අතීත විරෝධී ප්රකාශ (Antisemitic remarks) මෙම විරෝධතාවලට ප්රධාන හේතුව වී තිබේ.
කැනියේ වෙස්ට් ලබන ජූලි 18 වනදා ඉතාලියේ රෙජියෝ එමිලියා (Reggio Emilia) නගරයේ පැවැත්වෙන ‘Hellwat’ උළෙලේ ප්රධාන සංදර්ශනය පැවැත්වීමට නියමිතව ඇත. කෙසේ වෙතත් එම ප්රදේශයේ යුදෙව් ප්රජාව, ෆැසිස්ට් විරෝධී කණ්ඩායම් සහ දේශපාලනඥයින් එක්ව මෙම සංදර්ශනය නතර කරන ලෙස රජයෙන් ඉල්ලා සිටියි. විශේෂයෙන්ම යුරෝපා පාර්ලිමේන්තුවේ උප සභාපති පීනා පිසියර්නෝ (Pina Picierno) මහත්මිය ද මෙම සංදර්ශනයට මැදිහත් වී එය තහනම් කරන ලෙස ඉතාලි රජයෙන් ඉල්ලීමක් කර තිබේ.
දිගින් දිගටම සංදර්ශන අවලංගු වීම හේතුවෙන් ඔහුගේ මුළු යුරෝපා සංචාරයම (European Leg) අත්හිටුවීමට සිදුවනු ඇති බවට විදෙස් මාධ්ය අනාවැකි පළ කරයි.
