කොළඹ-මහනුවර ප්රධාන මාර්ගයේදී කැලණිය කොට්ඨාස අපරාධ විමර්ශන කාර්යාංශයේ නිලධාරීන් විසින් සිදුකළ විශේෂ වැටලීමකදී අධිකරණ වරෙන්තු රැසකට අවශ්යව සිටි ප්රධාන පෙළේ සැකකරුවෙකු අත්අඩංගුවට ගෙන තිබේ. මෙම වැටලීම ඊයේ (31) රාත්රී කාලයේදී සාර්ථකව ක්රියාත්මක කර ඇත.
අත්අඩංගුවට ගත් සැකකරු වයස අවුරුදු 28ක් වන තංගල්ල ප්රදේශයේ පදිංචිකරුවෙකි. ඔහු පිළිබඳව සිදු කරන ලද වැඩිදුර පොලිස් විමර්ශනවලදී අනාවරණය වී ඇත්තේ 2026.01.07 වන දින මත්ද්රව්ය සන්තකයේ තබා ගැනීමේ චෝදනාවක් මත රැඳවුම් නියෝග යටතේ තංගල්ල පොලිස් ස්ථානයේ සිරමැදිරියේ රඳවා සිටියදී ඉන් සූක්ෂම ලෙස පැන ගිය ප්රධාන සැකකරු මොහු බවයි.
මීට අමතරව සැකකරුට එරෙහිව තංගල්ල මහේස්ත්රාත් අධිකරණයේ විභාග වන නඩු 07ක් සඳහාම විවෘත වරෙන්තු නිකුත් වී තිබේ. ඔහු තංගල්ල පොලිස් වසම තුළ සිදු වූ දේපළ සොරකම් රැසකට ද සෘජුවම සම්බන්ධ වී ඇති බවට තොරතුරු ලැබී ඇත. සිද්ධිය සම්බන්ධයෙන් ඉදිරි නීතිමය කටයුතු සඳහා පෑලියගොඩ පොලිසිය විසින් වැඩිදුර විමර්ශන මෙහෙයවනු ලබයි.
