කුරුණෑගල පිහිටි වයඹ පළාත් සභා සංකීර්ණය තුළ බෝම්බයක් අටවා ඇති බවට ඊයේ (03) අලුයම ලැබුණු විද්යුත් පණිවිඩයක් (Email) හේතුවෙන් එම පරිශ්රය පුරා දැඩි නොසන්සුන්තාවක් හටගත්තේය. දෙමළ භාෂාවෙන් ලියා තිබූ මෙම පණිවිඩය ඊයේ අලුයම 3:30 ට පමණ ලැබී ඇති අතර, එහි සඳහන් වූයේ සයනයිඩ් අඩංගු බෝම්බයක් පරිශ්රය තුළ අටවා ඇති බවත් පෙරවරු 11:00 ට පෙර ප්රධාන ලේකම් කාර්යාලයේ සිටින පිරිස් ඉවත් විය යුතු බවත්ය.
මෙම තර්ජනයත් සමඟ වහාම ක්රියාත්මක වූ පොලිසිය, විශේෂ කාර්ය බලකාය (STF) සහ බෝම්බ අක්රීය කිරීමේ අංශ නිල සුනඛයන් ද යොදා ගනිමින් මුළු ගොඩනැගිලි සංකීර්ණයම දැඩි පරීක්ෂාවකට ලක් කළහ. එම අවස්ථාවේදී රජයේ නිලධාරීන් සහ සේවකයින් තාවකාලිකව කාර්යාලවලින් ඉවත් කර ආරක්ෂාව තහවුරු කිරීමට පියවර ගැනුණි. කෙසේ වෙතත්, පැය කිහිපයක සෝදිසි මෙහෙයුමකින් පසු කිසිදු පුපුරණ ද්රව්යයක් හමු නොවූ අතර, එය ව්යාජ බෝම්බ තර්ජනයක් (Hoax) බව පොලිසිය තහවුරු කළේය. අදාළ විද්යුත් පණිවිඩය එවූ පුද්ගලයා හඳුනා ගැනීම සඳහා පොලිස් විමර්ශන දැනටමත් ආරම්භ කර තිබේ.
