2026 වසරේ පළමු කාර්තුව තුළ ත්රස්තවාදී සහ රාජ්ය විරෝධී ක්රියාවන් 500%කින් පමණ කැපී පෙනෙන ලෙස ඉහළ යාම හේතුවෙන්, එම නඩු කඩිනමින් විභාග කිරීම සඳහා විශේෂ අධිකරණ පිහිටුවීමට කුවේට් රජය පියවර ගෙන තිබේ. මේ සම්බන්ධයෙන් වන විශේෂ එමීර් ආඥා පනත අද (01) නිකුත් කෙරිණි.
සාමාන්යයෙන් පවතින තෙවැදෑරුම් අධිකරණ ක්රියාවලිය වෙනුවට, මෙම සංවේදී නඩු සඳහා දෙවැදෑරුම් (Two-tier) අධිකරණ පද්ධතියක් හඳුන්වා දී ඇත. ඒ අනුව පළමු අවස්ථා අධිකරණය සහ අභියාචනා අධිකරණය ලෙස මට්ටම් දෙකකින් පමණක් නඩු විභාග වන අතර, අවසාන අභියාචනාධිකරණ (Court of Cassation) අදියර මෙයට ඇතුළත් නොවේ. මෙහි අරමුණ වන්නේ ජාතික ආරක්ෂාවට තර්ජනයක් වන නඩු කඩිනමින් අවසන් කිරීමයි.
කුවේට් අධිකරණ අමාත්ය නසාර් අල් සුමයිත් (Nasser Al Sumait) මහතා පවසන පරිදි, මේ වසරේ මුල් මාස තුන තුළ පමණක් මෙවැනි නඩු 209ක් වාර්තා වී තිබේ. ජ්යෙෂ්ඨ කුවේට් විනිසුරුවරුන් තිදෙනෙකුගෙන් යුත් විනිසුරු මඩුල්ලක් මෙම එක් එක් විශේෂ අධිකරණ සඳහා පත් කෙරෙනු ඇත. නීතිමය ක්රියාවලීන් ප්රමාද වීම වැළැක්වීම සහ විත්තිකරුවන්ගේ නීතිමය අයිතිවාසිකම් සුරකිමින් උපරිම ආරක්ෂාව තහවුරු කිරීම මෙම නව පියවරෙහි මූලික ඉලක්කය වී තිබේ.
