46 වන ජාතික මහා ක්‍රීඩා උළෙලට – (2020) සමඟාමීව කතරගම නගරය කේන්ද්‍ර කරගනිමින් පැවති මැරතන්, තරග ඇවිදීම සහ පාපැදි තරග ඉතා සාර්ථකව නිමාවට පත් වු බව ක්‍රිඩා අමාත්‍යංශය පවසයි.
කතරගම බස් නැවතුම්පොළ ඉදිරිපිටින් පසුගිය 29 වනදා ආරම්භ වූ කාන්තා පාපැදි තරගාවලියේ සමාරම්භය සිදුවිය. මුළු දුර ප්‍රමාණය කිලෝ මීටර් 79.4 වූ මෙම තරගාවලියට මුළු දිවයිනම ආවරණය වන පරිදි ක්‍රීඩිකාවන් 29 දෙනෙක් සහභාගී වූහ.
කාන්තා පාපැදි තරගයේ ශූරතාවය වයඹ පළාත නියෝජනය කළ ඒ.එම්.ඩී. දිල්රුක්ෂි ක්‍රීඩිකාව දිනාගත්තාය.
අනුශූරතාවය වයඹ පළාත නියෝජනය කළ පී.ඒ.එස්. ප්‍රියදර්ශනි ක්‍රීඩිකාවට හිමි විය.
තෙවන ස්ථානය දිනාගනු ලැබුවේ බස්නාහිර පළාත නියෝජනය කළ කේ.එන්. ෂෙනාලි නදුනිකා ක්‍රීඩිකාව විසිනි.
ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් අමල් එදිරිසූරිය, කතරගම ප්‍රාදේශීය සභාවේ සභාපති චානක අනිල් රංග, කතරගම පොලිස් ස්ථානාධිපති උපුල් ලියනගමගේ, නෙස්ලේ ලංකා සමාගමේ ආයතනික කටයුතු පිළිබඳ උප සභාපති බන්දුල එගොඩගේ, නෙස්ලේ ලංකා සමාගමේ කිරි ආහාර නිෂ්පාදන අංශයේ උප සභාපති රුවන් වැලිකල යන මහත්වරු මෙම අවස්ථාවට එක්ව සිටියහ.
