පාස්කු ප්රහාරයේ මහමොලකරු ගැන ඇමැති සරත් හෙලිදරව් කරයි
පාස්කු ප්රහාරය මහමොළකරුවන් ලෙස නවුෆර් මව්ලවි සහ හජ්ජුල් අක්බර් යන පුද්ගලයින් හඳුනාගෙන ඇති බව ආරක්ෂක අමාත්ය රියර් අද්මිරාල් ආචාර්ය සරත් වීරසේකර මහතා පවසයි.
අමාත්යවරයා මේ බව පැවසුවේ අද (06) කොළඹ පැවැත්වෙන මාධ්ය හමුවකට එක්වෙමිනි.
ඒහිදී අමාත්යවරයා කියා සිටියේ නවුෆර් මව්ලවි නැමැත්තා මේ වන විට රක්ෂිත බන්ධනාගාර ගතකර සිටින බවයි. ඔහු 2014 දී එම පුද්ගලයා විසින් IS මතවාදය මෙරටට ගෙන ආ බව හෙතෙම අනාවරණ කළේය.
එසේම පාස්කු ඉරුදින ප්රහාරය සිදු කල සහරාන් හෂීම් අන්තවාදී ක්රියා සඳහා යොමුව ඇත්තේ 2016 දී බවත් ඔහුට අනුබල දී ඇත්තේ ද නවුෆර් මව්ලවි විසින් බවද අමාත්යවරයා මෙහිදී වැඩිදුරටත් පැවසීය.
මේ වන විට පාස්කු ප්රහාරයේ විමර්ශන පිළිබඳ සැඟවීමට කිසිදු අවශ්යතාවයක් නොමැති බවත් පැවසු අමාත්යවරයා, දැනටමත් පුද්ගලයින් 32කුට එරෙහිව නඩු පැවරීමට කටයුතු යොදා ඇත.
මේ වන විට පුද්ගලයින් 211ක් රක්ෂිත බන්ධනාගාර ගතකර සිටින බවත්, 75 දෙනෙක් දීර්ඝ කළ රැඳවුම් නියෝග මත සිටින බවත් අමාත්යවරයා මෙහිදී වැඩිදුරටත් කියා සිටියේය.