ප්රංශයේ පැවැත්වීමට නියමිත G7 රාජ්ය නායක සමුළුවට සමගාමීව ඉන්දීය අග්රාමාත්ය නරේන්ද්ර මෝදි සහ අමෙරිකානු ජනාධිපති ඩොනල්ඩ් ට්රම්ප් අතර විශේෂ ද්විපාර්ශ්වික සාකච්ඡාවක් පැවැත්වීමට නියමිත බව ‘ද හින්දු’ පුවත්පත වාර්තා කරයි. වාර්තාවලට අනුව මෙම සුවිශේෂී හමුව ජූනි 16 සහ 17 යන දිනවලදී සිදුවනු ඇතැයි අපේක්ෂා කෙරේ.
ප්රංශ ජනාධිපති එමානුවෙල් මැක්රෝන්ගේ ප්රධානත්වයෙන් පැවැත්වෙන මෙවර G7 සමුළුව සඳහා තමන් සහභාගී වන බව ජනාධිපති ඩොනල්ඩ් ට්රම්ප් දැනටමත් තහවුරු කර තිබේ. අග්රාමාත්ය නරේන්ද්ර මෝදිගේ ප්රංශ සංචාරය අදියර දෙකකින් (ජූනි 13-14 සහ ජූනි 16-19) සැලසුම් කර ඇති අතර, එහිදී ජූනි 14 වැනිදා ප්රංශයේ නිස් නුවරදී ජනාධිපති මැක්රෝන් සමඟ ද්විපාර්ශ්වික සාකච්ඡාවක් පැවැත්වීමට ද නියමිතය.
ඉන්දියාව සහ අමෙරිකාව අතර යෝජිත ද්විපාර්ශ්වික වෙළඳ ගිවිසුම සම්බන්ධයෙන් සාකච්ඡා පැවැත්වෙන පසුබිමක සිදුවන මෙම මෝදි-ට්රම්ප් හමුවේදී වෙළඳාම, ආර්ථික සහයෝගීතාව, ආරක්ෂක සබඳතා සහ කලාපීය ආරක්ෂාව ඇතුළු ප්රධාන මාතෘකා රැසක් කෙරෙහි අවධානය යොමුවනු ඇතැයි විදෙස් මාධ්ය වැඩිදුරටත් වාර්තා කරයි.
