මොරටුව වේල්ස් කුමර විද්යාලය සහ මොරටුව සාන්ත සෙබස්තියන් විද්යාලය අතර පැවැත්වෙන 76 වන “රන් මහා හටන” (Big Match) වාර්ෂික ක්රිකට් තරගය ඊයේ මොරටුව ද සොයිසා ක්රීඩාංගණයේදී උත්කර්ෂවත් අයුරින් ආරම්භ විය. කාසියේ වාසිය දිනූ සාන්ත සෙබස්තියන් කණ්ඩායම පළමුවෙන් පන්දුවට පහර දීමට තීරණය කළ අතර, ඔවුන් පන්දු වාර 78.3 කදී සියලු දෙනාම දැවී ලකුණු 214 ක් රැස් කිරීමට සමත් විය.
සාන්ත සෙබස්තියන් ඉනිම වෙනුවෙන් චමත් වෙල්ලාලගේ ලකුණු 58 ක අගනා ඉනිමක් ක්රීඩා කළ අතර, කවීෂ පෙරේරා ලකුණු 35 ක් සහ ෂෙෆාන් ප්රනාන්දු ලකුණු 24 ක් ලබා ගනිමින් ඉනිමට ශක්තියක් විය. වේල්ස් කුමර විද්යාලය වෙනුවෙන් පන්දු යැවීමේදී නෙතුල් අනුහස් සහ රුසඳු සිල්වා කඩුලු 3 බැගින් දවා ගැනීමට සමත් විය. පළමු දිනය සඳහා තරගය නතර කරන විට සිය පළමු ඉනිම ක්රීඩා කරන වේල්ස් කුමර කණ්ඩායම පන්දු වාර 9 කදී කිසිවෙකු නොදැවී ලකුණු 06 ක් ලබා සිටියේය. ඒ අනුව අද (07) තරගයේ දෙවන සහ තීරණාත්මක දිනයයි.
ලකුණු සාරාංශය (පළමු දිනය අවසානයේ)
සාන්ත සෙබස්තියන් විද්යාලය (පළමු ඉනිම)
ලකුණු 214 (පන්දු වාර 78.3)
චමත් වෙල්ලාලගේ 58, කවීෂ පෙරේරා 35, ෂෙෆාන් ප්රනාන්දු 24, අදීශ් අල්මේදා 21, තිවංක ප්රනාන්දු 20
