හොරොව්පතාන ප්රදේශයේ වී අස්වනු නෙළීමේ කටයුතු සාර්ථකව සිදුවීමත් සමඟ, රජයේ වී ගබඩා සියල්ල වී තොගවලින් පිරී ගොස් ඇති බව වාර්තා වේ. මේ හේතුවෙන් ගොවීන් මුහුණ දෙන ගැටලුවලට විසඳුමක් ලෙස හොරොව්පතාන යුද හමුදා කඳවුර පරිශ්රයේ නව වී මිල දී ගැනීමේ මධ්යස්ථානයක් ආරම්භ කර ඇති බව හොරොව්පතාන ප්රාදේශීය සභා සභාපති තරංග ප්රසාද් ජයවර්ධන මහතා පවසයි.
ප්රදේශයේ ගොවීන්ට සිය අස්වනු රජයේ සහතික මිලට අලෙවි කිරීම සඳහා පවතින බාධාවන් ඉවත් කරමින් මෙම මධ්යස්ථානය කඩිනමින් ස්ථාපිත කිරීමට පියවර ගෙන තිබේ. මේ හරහා අතරමැදියන්ගේ ග්රහණයට හසු නොවී තම අස්වනු සඳහා සාධාරණ මිලක් ලබා ගැනීමට ගොවීන්ට අවස්ථාව උදා වන අතර, වී ගබඩා කිරීමේ ධාරිතාව ඉහළ නැංවීමට ද මෙය මහඟු පිටුවහලක් වනු ඇත.
හොරොව්පතාන සහ ඒ අවට ප්රදේශවල ගොවීන්ට දැන් සිය වී තොග අදාළ මිල දී ගැනීමේ මධ්යස්ථානය වෙත රැගෙන විත් පහසුවෙන් අලෙවි කළ හැකිය. රජය මැදිහත් වී යුද හමුදාවේ සහය ඇතිව පවත්වාගෙන යනු ලබන මෙම වැඩපිළිවෙළ මගින් ප්රදේශයේ කෘෂිකාර්මික ආර්ථිකය ශක්තිමත් කිරීමට අපේක්ෂා කෙරේ.
