2026 පන්දුවාර විස්සයි විස්ස ලෝක කුසලාන අවසන් මහා තරගය හෙට (08) අහමදාබාද් හි නරේන්ද්ර මෝදි ක්රීඩාංගනයේදී පැවැත්වීමට නියමිතව තිබේ. තරගයට පෙර පැවති මාධ්ය හමුවේදී අදහස් දැක්වූ නවසීලන්ත නායක මිචෙල් සැන්ට්නර් ප්රකාශ කළේ, ලක්ෂයකට අධික ඉන්දීය ප්රේක්ෂකයින් ඉදිරියේ ඔවුන්ව නිහඬ කරමින් සිය කුළුඳුල් විස්සයි විස්ස ලෝක ශූරතාව දිනා ගැනීම තම කණ්ඩායමේ එකම බලාපොරොත්තුව බවයි. පිරී ඉතිරී යන ක්රීඩාංගනයක් ඉදිරියේ ක්රීඩා කිරීම වත්මන් ශූරයින් වන ඉන්දීය කණ්ඩායමට දැඩි පීඩනයක් වනු ඇති බවත්, එම වාසිය තමන් සතු කර ගැනීමට නවසීලන්තය සූදානම් බවත් ඔහු වැඩිදුරටත් පැවසීය.
සැන්ට්නර් පෙන්වා දෙන්නේ හෙට තරගය සඳහා පිතිකරණයට හිතකර කඩුල්ලක් ලැබෙනු ඇති බවයි. වත්මන් ලෝක ශූර ඉන්දීය කණ්ඩායම සිය කිරුළ රැක ගැනීමේ දැඩි සටනක නිරත වෙද්දී, මෙතෙක් කිසිදු සුදු පන්දුව ලෝක කුසලානයක් (World Cup) ජයග්රහණය කර නොමැති නවසීලන්තය හෙට ඉතිහාසය අලුත් කිරීමට බලාපොරොත්තුවෙන් පසුවෙයි. ඉන්දීය නායක රෝහිත් ෂර්මාගේ මෙහෙයවීමෙන් පිටියට පිවිසෙන ඉන්දීය පිල සහ සැන්ට්නර්ගේ කිවි බලකාය අතර මෙම සටන වසරේ උද්යෝගිමත්ම ක්රිකට් තරගය වනු ඇතැයි විචාරකයෝ පවසති.
