ගෝලීය ආර්ථිකයේ සිදුවන විවිධ වෙනස්කම් හමුවේ ලෝක වෙළඳපොළේ බොරතෙල් මිල සැලකිය යුතු ලෙස පහළ ගොස් ඇති අතර බ්රෙන්ට් බොරතෙල් බැරලයක මිල ඩොලර් 77.74 ක් ලෙස අද වාර්තා වුණා. ලෝක ආර්ථිකයේ බලවතුන් වන චීනය වැනි රටවල නිෂ්පාදන ඉල්ලුම තරමක් මන්දගාමී වීමත් ඇමරිකානු තෙල් සංචිත ඉහළ යාමත් මෙම මිල පහළ යාමට ප්රධානතම හේතු ලෙස ආර්ථික විශේෂඥයන් පෙන්වා දෙනවා.
මෙම මිල පහත වැටීම ශ්රී ලංකාව වැනි ආනයන මත යැපෙන රටවලට ඉතා වැදගත් වන්නේ එමඟින් විදේශ විනිමය ඉතිරි කර ගැනීමටත් දේශීය නිෂ්පාදන පිරිවැය පාලනය කිරීමටත් මඟ පෑදෙන නිසයි. ලෝක වෙළඳපොළේ මෙම වාසිදායක තත්ත්වය ඉදිරියේදී දේශීය ඉන්ධන මිල සූත්රය හරහා පාරිභෝගික ජනතාවට සහනයක් ලෙස ලැබෙනු ඇතැයි බොහෝ දෙනා බලාපොරොත්තු පළ කරනවා. කෙසේ වෙතත් මැදපෙරදිග පවතින දේශපාලනික අස්ථාවරත්වය මත මෙම මිල ගණන් ඉදිරියේදී යම් වෙනස්කම්වලට භාජනය විය හැකි බවත් අමතක නොකළ යුතුයි.
