පකිස්ථානය විසින් ඇෆ්ගනිස්ථානයේ කාබුල් අගනුවර ඉලක්ක කර ගනිමින් එල්ල කරන ලද බෝම්බ ප්රහාරයකින් පුද්ගලයන් සිව්දෙනෙකු ජීවිතක්ෂයට පත්ව ඇති බව කාබුල් පොලිසිය අද (සිකුරාදා) තහවුරු කළේය. පොලිස් ප්රකාශක කලීඩ් සද්රාන් (Khalid Zadran) සිය X ගිණුම හරහා ප්රකාශ කළේ, පකිස්ථාන හමුදා එල්ල කළ මෙම බෝම්බ ප්රහාරය අගනුවර පිහිටි නිවාස කිහිපයකට පතිත වී ඇති බවයි.
මෙම ප්රහාරයෙන් සිව්දෙනෙකු මියයාමට අමතරව තවත් පුද්ගලයින් 15 දෙනෙකු තුවාල ලබා ඇති බව ද වාර්තා වේ. පකිස්ථාන හමුදා විසින් ඇෆ්ගන් තලේබාන් ආරක්ෂක ඉලක්ක වෙත මෙම ප්රහාර එල්ල කර ඇති බවට වාර්තා පළ වුවද, ප්රහාරයෙන් සිවිල් වැසියන්ට සහ ඔවුන්ගේ නිවාසවලට දැඩි හානි සිදුව ඇති බව ඇෆ්ගන් බලධාරීහු පෙන්වා දෙති.
පසුගිය කාලසීමාව පුරාම පකිස්ථානය සහ ඇෆ්ගනිස්ථානය අතර පවතින දේශසීමා ආරවුල් සහ ආරක්ෂක ගැටලු හේතුවෙන් දෙරට අතර සබඳතා දැඩි නොසන්සුන් තත්ත්වයක පවතී. අද දින එල්ල වූ මෙම ප්රහාරය එම නොසන්සුන්තාව තවදුරටත් උග්ර කිරීමට හේතු වනු ඇතැයි දේශපාලන විශ්ලේෂකයෝ මත පළ කරති.
