පානදුර – කොළඹ පරණ පාරේ තිබී අතපය ගැටගසන ලද පුද්ගල මළ සිරුරක් අද උදෑසන පානදුර දකුණ පොලීසිය විසින් සොයාගෙන තිබෙනවා. මෙලෙස අභිරහස් ලෙස මියගොස් ඇත්තේ පානදුර උතුර, ඥානසේන මාවතේ පදිංචිව සිටි 37 හැවිරිදි පුද්ගලයෙකු බවට මේ වන විට අනාවරණය වී ඇති අතර, සිරුර හමුවන අවස්ථාවේ පැවති ස්වභාවය අනුව මෙය සංවිධානාත්මක ඝාතනයක් බවට සැක කෙරෙනවා. මෙම ඝාතනය සිදුකළ ආකාරය හෝ ඊට හේතුව මෙතෙක් අනාවරණය වී නොමැති අතර, සිද්ධිය වූ ස්ථානයට අදාළ මහේස්ත්රාත් පරීක්ෂණය සහ පශ්චාත් මරණ පරීක්ෂණය පැවැත්වීමට නියමිතයි. ප්රදේශයේ පවතින ආරක්ෂිත කැමරා (CCTV) දර්ශන පරීක්ෂා කරමින් සැකකරුවන් හඳුනා ගැනීමට පානදුර දකුණ පොලීසිය මේ වන විට පුළුල් විමර්ශනයක් ආරම්භ කර තිබෙනවා.
