හිටපු පාර්ලිමේන්තු මන්ත්රී නීතීඥ ප්රේමනාත් සී. දොළවත්ත මහතා ප්රකාශ කරන්නේ, ආචාර්ය නිර්මාල් රංජිත් දේවසිරි මහතා නීතිගරුක පුරවැසියෙකු නම් අමරකීර්ති අතුකෝරළ මන්ත්රීවරයාගේ ඝාතනයට තමාද වගකිවයුතු බව දිව්රුම් ප්රකාශයක් මගින් වහාම අධිකරණයට ඉදිරිපත් කළ යුතු බවයි. අමරකීර්ති අතුකෝරළ ඝාතන නඩුවේ සැකකරුවන් නිදහස් කිරීමට එරෙහිව නීතිපතිවරයා ශ්රේෂ්ඨාධිකරණය හමුවේ අභියාචනා ගොනු කිරීමට සූදානම් වන බැවින්, එම අවස්ථාවේදීම තමාද ඊට වගකිවයුතු පුද්ගලයෙකු ලෙස කරුණු ඉදිරිපත් කිරීමට නිර්මාල් රංජිත් දේවසිරි මහතාට අවස්ථාව පවතින බව ඔහු පෙන්වා දෙයි.
ගම්පහ මහාධිකරණයේ නඩු විභාගය පැවැති සමයේ නිහඬව සිට, නඩු තීන්දුව ප්රකාශයට පත් කිරීමෙන් පසුව මෙවැනි ප්රකාශ සිදු කිරීම පිළිබඳව දොළවත්ත මහතා ප්රශ්න කර සිටියි. මෙම ඝාතනය සඳහා අවශ්ය මතවාදය ගොඩනැගූ බව කියන නිර්මාල් රංජිත් දේවසිරි මහතා, නඩු විභාගය අවසානයේ මෙවැනි ප්රකාශ නිකුත් කිරීම මගින් ඔහු නීතිගරුක නොවන පුද්ගලයෙකු බව හෙළිවන බව හිටපු මන්ත්රීවරයා සඳහන් කළේය.
වැඩිදුරටත් අදහස් දැක්වූ දොළවත්ත මහතා කියා සිටියේ, බොරුවට මාධ්ය සංදර්ශන පවත්වමින් විපක්ෂයට මඩ ගැසීම නතර කර, නිර්මාල් රංජිත් දේවසිරි මහතා ඇතුළු මෙම මතවාදය වෙනුවෙන් පෙනී සිටි පිරිස් පිළිබඳව අධිකරණයට කරුණු හෙළි කිරීම ඔහුගේ වගකීමක් බවයි.
