මාතලේ තැන්න ද්විතියික පාසල් ඉතිහාසයේ ප්‍රථම ශිෂ්‍ය භට එස්.එම්.කේ.පි ගුණරත්න සිසුවා ජාතික ශිෂ්‍ය භට 13 වන මුලස්ථානයේ පොලිස් ශිෂ්‍ය භට රෙජිමෙන්තු සැරයන් මේජර් තනතුරට උසස් කිරිමේ පදක්කම් පැළදවිම ඉකුත්දා විද්‍යාලයේදි පැවැත්විණි.
මාතලේ කොට්ඨාශ භාර ජ්‍යෙෂ්ඨ පොලිස් අධිකාරි අනුරුද්ධ බණ්ඩාරනායක ,ජාතික ශිෂ්‍ය භට බලකායේ 13 වන බල ඇණියේ අණදෙන නිලධාරි ලුතිනල් කර්නල් ජයලකත් යන මහත්වරුන්ගේ ප්‍රධානත්වයෙන් මෙම කටයුතු සිදු විය.
පොලිස් ශිෂ්‍ය භට මාතලේ දිස්ත්‍රික් අධික්ෂණ නිලධාරි උ.පො.ප රත්නායක මහතාගේ අධික්ෂණය යටතේ මෙම කටයුතු සිදු වු අතර මෙම අවස්ථාවට මාතලේ කලාප අධ්‍යාපන අධ්‍යක්ෂිකා විජයන්ති ජයසුරිය යන මහත්ම මහත්මින් සහභාගි වු අතර විදුහල්පති ඉන්දික ගල්කොටුව මහතාගේ උපදෙස් පරිදි සිසු ආචාර්ය මණ්ඩලය මෙම කටයුතු සංවිධානය කර තිබුණි.
මාතලේ මහේෂ් කිර්තිරත්න
