ශ්රී ලංකාවේ තිරසාර අපද්රව්ය කළමනාකරණයේ පුරෝගාමියා වන INSEE Ecocycle, මෙරට විශාලතම පාරිභෝගික කිරි නිෂ්පාදන සමාගම වන Fonterra Brands Lanka (පුද්.) සමාගම සමග පසුගියදා විශේෂ හවුල්කාරීත්වයකට එළඹිණි.
ශ්රී ලංකාවේ කිරි කර්මාන්තය තුළ තිරසාර හා පරිසර හිතකාමී අපද්රව්ය කළමනාකරණ ක්රමවේදයන් ප්රවර්ධනය කිරීම මෙහි ප්රධාන අරමුණයි.
මෙය තිරසාර සංවර්ධනය හා පරිසර සංරක්ෂණය සම්බන්ධ ශ්රී ලංකාවේ ජාතික න්යාය පත්රය සමගද සමගාමී වේ. මෙම හවුල්කාරීත්වය යටතේ, පාරිභෝගිකයන් Fonterra Brands Lanka (පුද්.) සමාගමේ නිෂ්පාදන පරිභෝජනය කිරීමෙන් පසුව ඇතිවන අපද්රව්ය කළමනාකරණය කිරීමේ වගකීම INSEE Ecocycle මගින් භාරගනු ඇත. දිවයින පුරා පළාත් පාලන ආයතන සහ අනෙකුත් රාජ්ය ආයතන සමග එක් වී, නාගරික ඝන අපද්රව්ය තුළ එක්රැස් වන, කිරි නිෂ්පාදනවලට අදාළ දිරාපත් නොවන සහ ප්රතිචක්රීකරණය කළ නොහැකි ප්ලාස්ටික් සහ පොලිතීන් කාර්යක්ෂමව එක්රැස් කිරීමට සහ නිසි ලෙස බැහැර කිරීමට INSEE Ecocycle බලාපොරොත්තු වෙයි.
“නාගරික ඝන අපද්රව්ය යනු ජාතික මට්ටමේ ගැටලුවක්. මෙම ගැටලුව විසඳමින්, වඩාත් පිරිසිදු හා සෞඛ්ය සම්පන්න ශ්රී ලංකාවක් බිහිකිරීමේ උත්සාහය තුළ සමාගම් හා ආයතනවලට තීරණාත්මක කාර්යභාරයක් පැවරෙන බව අප විශ්වාස කරනවා. Fonterra Brands Lanka සමග ඇතිකරගත් මෙම හවුල්කාරීත්වය, කිරි කර්මාන්තය තුළ අප තැබූ සුවිශේෂී නව පියවරක්. අපගේ අන්යෝන්ය ඉලක්කවලට ගැළපෙන, නව්ය අපද්රව්ය කළමනාකරණ විසඳුම් ක්රියාවට නැංවීමට අවස්ථාවන් රැසක් මෙහි පවතින බව අපට පෙනෙනවා.” INSEE Ecocycle Sri Lanka සමාගමේ සාමාන්යාධිකාරී සුජිත් ගුණවර්ධන මහතා පැවසී ය.
අපද්රව්ය කළමනාකරණ සේවාවන්ට අමතරව, Fonterra Brands Lanka සමාගමේ සහයෝගය ඇතිව, INSEE Ecocycle විසින් ප්ලාස්ටික් සහ පොලිතින් නිසි ලෙස වෙන් කිරීම සහ බැහැර කිරීම පිළිබඳව නගර සභා සේවකයින් දැනුවත් කිරීමටද පියවර ගනු ඇත.
චක්රීය ආර්ථිකයේ මූලධර්ම අනුව යමින්, හුදෙක් අපද්රව්ය බැහැර කිරීම සහ කළමනාකරණය කිරීම යන සීමාවන්ගෙන් ඔබ්බට ගොස්, අපද්රව්ය වටිනා සම්පතක් බවට පරිවර්තනය කිරීම INSEE Ecocycle හි අරමුණයි. INSEE Ecocycle හි විශේෂත්වය පවතින්නේ එහි සිමෙන්ති උදුන් තුළ සිදුවන සුවිශේෂී සහසැකසුම් (Co-processing) ක්රියාවලිය තුළ ය.
සිමෙන්ති නිෂ්පාදන ක්රියාවලියේදී සිය මවු සමාගම වන INSEE Cement සමග එක්ව කටයුතු කරමින්, හානිකර විමෝචනයන්ට ඉඩ නොතබා අපද්රව්ය විනාශ කිරීමට සහ පූර්ණ ජීර්ණ ක්රියාවලියට ලක්කිරීමට INSEE Ecocycle කටයුතු කරයි. සාම්ප්රදායිකව සිදුකරන ආකාරයට අපද්රව්ය පරිසරයට බැහැර කිරීම හෝ පුළුස්සා දැමීම වෙනුවට සහසැකසුම් ක්රියාවලියට බඳුන් කිරීම මගින් අපද්රව්ය වටිනා සම්පතක් බවට පරිවර්තනය වන අතර, එමගින් පරිසරයට ඇතිවන බලපෑමද අවම වේ.
පිටපත – PR
