මහවැලි කළාපයේ ඉඩම් බලතල ප්රාදේශීය ලේකම්වරුන්ට පැවරීමේ තීන්දුව වහා හකුලා ගන්නා ලෙස බල කරමින් මහවැලි එච් කළාපීය ,මහවැලි ගොවිජන එකමුතුව තඹුත්තේගම නගරයේදී අද (06) විරෝධතාවක නිරත වූහ.
තඹුත්තේගම නගරයේ පිහිටි මහවැලි එච් කළාපයේ නේවාසික ව්යාපාර කළමණාකරන කාර්යාලය ඉදිරිපිට සිට තඹුත්තේගම නගරය හරහා තඹුත්තේගම ආර්ථික මධ්යස්ථානය ඉදිරිපිට දක්වා පා ගමනින් විරෝධතා පුවරු ප්රදර්ශනය කරමින්, සටන් පාඨ කියමින් පැමිණි විරෝධතාකරුවන් තඹුත්තේගම ආර්ථික මධ්යස්ථානය ඉදිරිපිටදී පැයකට ආසන්න කාළයක් විරෝධතාවයෙහි නිරත වූහ.
ජාතිවාදී දොළ පිදේනී මත මහවැලි ඉඩම් මංකොල්ලය වහා නවතන ලෙසත්, රනිල්ගේ අයවැයේ 13 වැනි යෝජනාව හකුලා ගනිව්, මහවැලි අධිකාරියට අයත් ඉඩම් වල අයිතිය ප්රාදේශීය ලේකම්ට පවරණ යෝජනාව හකුළා ගනිවු, ඉඩම් ප්රථිසංස්කරණ කොමිසම සතු ඉඩම් වල අයිතියට ප්රාදේශීය ලේකම්ට පවරන යෝජනාව හකුළා ගනිව් ආදී සටන් පාඨ කියමින් මොවුන් විරෝධතාවයෙහි නිරත වූහ.
එහිදී අදහස් ගොවි සංවිධාන නියෝජිතයින් මාධ්ය වෙත අදහස් දක්වමින් කියා සිටියේ මහවැලි කළාපයේ ඉඩම් බලතල ප්රාදේශීය ලේකම්වරුන්ට පැවරීමේ යෝජනාව වහා හකුලා ගන්නා ලෙසත්, එය අය-වැය යෝජනාවෙන් ඉවත් කළ හැක්කේ මහජන නියෝජිතයින්ට පමණක් බවත්, එය ඉවත් කිරීමට කටයුතු නොකර අය-වැය සම්මත කිරීමට ඡන්දය ලබා දී තම ගම්මානයන්ට පැමිණීමට දේශපාලඥයින්ට ඉඩ නොතබන බවත්ය.
තිසර සමල් – අනුරාධපුර
