මධ්යම පෙරදිග කලාපයේ පිහිටි විශාලතම අමෙරිකානු හමුදා කඳවුර වන ‘අල්-උඩයිඩ්’ (al-Udeid) ගුවන් කඳවුර ඉලක්ක කර එල්ල වූ භයානක ඩ්රෝන ප්රහාරයක් ව්යර්ථ කිරීමට කටාර් ගුවන් හමුදාව සමත් වී තිබෙනවා. කටාර් ආරක්ෂක අමාත්යාංශය පවසන්නේ කඳවුර ඉලක්ක කර පැමිණි එම ඩ්රෝන යානා සාර්ථකව මැඩපැවැත්වූ බවයි.
මෙම හදිසි තත්ත්වය හමුවේ කටාර් රජය විසින් එරට ජංගම දුරකථන වෙත විශේෂ ආරක්ෂක අනතුරු ඇඟවීමේ පණිවිඩයක් ද නිකුත් කර තිබුණා. එමඟින් ජනතාවට දැනුම් දී සිටියේ ජනේල අසලින් සහ එළිමහන් ස්ථානවලින් ඉවත් වී වහාම ආරක්ෂිත ස්ථාන කරා යන ලෙසයි. මැදපෙරදිග කලාපයේ උණුසුම් වාතාවරණය තවදුරටත් වර්ධනය වෙමින් පවතින පසුබිමක, මෙම ප්රහාරය ව්යර්ථ කිරීම කලාපීය ආරක්ෂාව සම්බන්ධයෙන් ඉතා තීරණාත්මක සිදුවීමක් ලෙස සැලකේ.
