ක්වොන්ටම් පරිගණක (Quantum Computers) මගින් අනාගතයේදී බිට්කොයින් ජාලයට එල්ල විය හැකි තර්ජන හමුවේ, පරිශීලකයන්ගේ ගිණුම් හෙවත් වොලට් (Wallets) ස්ථිරවම අගුලු වැටීමේ අවදානම අවම කිරීම සඳහා නව මෘදුකාංග මූලාකෘතියක් (Prototype) නිර්මාණය කර තිබේ. ‘Lightning Labs’ ආයතනයේ ප්රධාන තාක්ෂණික නිලධාරී ඔලාඔලුවා ඔසුන්ටොකුන් (Olaoluwa Osuntokun) විසින් මෙම පද්ධතිය නිපදවා ඇති බව ‘CoinDesk’ වෙබ් අඩවිය වාර්තා කරයි.
වත්මන් බිට්කොයින් ජාලය ඩිජිටල් අත්සන් (Digital Signatures) මත පදනම් වන අතර, ප්රබල ක්වොන්ටම් පරිගණක මගින් එම අත්සන් ව්යාජ ලෙස නිර්මාණය කිරීමේ අවදානමක් පවතී. එවැනි හදිසි අවස්ථාවකදී ජාලයේ ආරක්ෂාව වෙනුවෙන් පවතින ගිණුම් අත්හිටුවීමට (Emergency Brake) පියවර ගතහොත්, සාමාන්ය පරිශීලකයන්ට ද සිය මුදල් ලබා ගැනීමට නොහැකි වීමේ ගැටලුවක් මතු වේ. මෙම නව තාක්ෂණය මගින් ඩිජිටල් අත්සන් වෙනුවට, ගිණුම නිර්මාණය කිරීමට භාවිතා කරන රහස් කේතය (Secret Seed) ගණිතමය ලෙස තහවුරු කිරීම මගින් අගුලු වැටුණු ගිණුම් නැවත ලබා ගැනීමට අවස්ථාව සලසා දෙයි.
මෙම පද්ධතිය පරීක්ෂණ මට්ටමේදී ඉතා සාර්ථක ප්රතිඵල පෙන්වා ඇති අතර, සාමාන්ය පරිගණකයක් හරහා තත්පර 55ක් වැනි කෙටි කාලයකදී ගිණුමක අයිතිය තහවුරු කළ හැකි බව හෙළි වී තිබේ. කෙසේ වෙතත්, මෙය තවමත් මුල් අදියරේ පවතින ව්යාපෘතියක් බැවින් එය නිල වශයෙන් බිට්කොයින් ජාලයට එක් කරන දිනයක් ප්රකාශයට පත් කර නොමැත. ක්වොන්ටම් පරිගණක මගින් එල්ල වන තර්ජනය කෙතරම් ඉක්මනින් ප්රායෝගික වනු ඇත්ද යන්න පිළිබඳව ද මේ වන විට තාක්ෂණික ලෝකයේ විවිධ මතවාද පවතී.
