රුසියානු නීති පද්ධතියට අනුකූලව කටයුතු කිරීමට අපොහොසත් වීම හේතුවෙන් ලොව පුරා ජනප්රිය පණිවිඩ හුවමාරු සේවාවක් වන වට්ස්ඇප් (WhatsApp) එරට තුළ තහනම් කිරීමට රුසියානු රජය පියවර ගෙන තිබේ. ක්රෙම්ලීන ප්රකාශක දිමිත්රි පෙස්කොව් මහතා බ්රහස්පතින්දා මාධ්යවේදීන් හමුවේ තහවුරු කළේ, අදාළ තීරණය දැනටමත් ක්රියාත්මක කර ඇති බවයි.
රුසියානු නීතියේ සම්මතයන් සහ වගන්තිවලට ගරු කිරීමට වට්ස්ඇප් සමාගම දක්වන අකමැත්ත මෙම තීරණයට ප්රබලතම හේතුව වූ බව පෙස්කොව් මහතා වැඩිදුරටත් සඳහන් කළේය. යුක්රේන යුද්ධය ආරම්භ වූ දා සිට බටහිර තාක්ෂණික සමාගම් කෙරෙහි රුසියාව දැඩි නීති රීති පනවමින් සිටින අතර, දත්ත ගබඩා කිරීම සහ තොරතුරු පාලනය සම්බන්ධයෙන් රුසියානු රජය සහ මෙටා (Meta) සමාගම අතර පවතින ගැටුම මෙලෙස වට්ස්ඇප් තහනම් කිරීමට මඟ පාදා ඇත.
