තම ඉල්ලීම් සම්බන්ධයෙන් සාකච්ඡා කිරීම සඳහා වහාම දිනයක් සහ වේලාවක් ලබා දෙන ලෙස ඉල්ලමින් සෞඛ්ය ඇමති වෛද්ය නලින්ද ජයතිස්ස මහතාට අද (03) දිනයේ ලිඛිතව දැනුම් දෙන බව රජයේ හෙද නිලධාරීන්ගේ සංගමයේ සභාපති සමන් රත්නප්රිය මහතා පවසයි.
මෙම දැනුම් දීමෙන් පසු සතියක් ඇතුළත සාකච්ඡාවක් ලබා දෙනු ඇතැයි අපේක්ෂා කරන බවත්, එසේ නොලැබෙන්නේ නම් සෞඛ්ය සේවා වෘත්තීය සමිති සන්ධානය ලෙස එක්ව දැඩි වෘත්තීය ක්රියාමාර්ගයකට අවතීර්ණ වන බවත් ඔහු අනතුරු ඇඟවීය.
ලෝකයේ පවතින අර්බුදකාරී තත්ත්වය හමුවේ වර්ජන කිරීම සුදුසු දැයි නැගූ ප්රශ්නයකට පිළිතුරු දෙමින් ඔහු කියා සිටියේ නිදහස් සෞඛ්ය සේවාව රැක ගැනීමට නම් මෙම ගැටලුවලට විසඳුම් අවශ්ය බවයි. රෝහල්වල ශල්යකර්ම සඳහා අවශ්ය උපකරණ නොමැති වීම, ඖෂධ හිඟය, අධික මිල සහ බාල ඖෂධ සම්බන්ධ ගැටලු පිළිබඳව බලධාරීන් නිහඬව සිටින බවට ඔහු චෝදනා කළේය
අනුමත සේවක පිරිස් නොමැතිව සෞඛ්ය සේවාව පවත්වාගෙන යාම අතිශය දුෂ්කර වී ඇති බැවින් රජය මේ පිළිබඳව පුළුල්ව සිතා කටයුතු කළ යුතු බවද රත්නප්රිය මහතා වැඩිදුරටත් සඳහන් කළේය.
