ඉරාක භූමියේ සිට සෞදි අරාබියට සහ අනෙකුත් ගල්ෆ් කලාපීය රටවලට එල්ල වන ඩ්රෝන ප්රහාර සහ තර්ජන සම්බන්ධයෙන් විරෝධය පළ කිරීම සඳහා සෞදි අරාබිය එරට ඉරාක තානාපතිවරයා ඊයේ (අප්රේල් 12) කැඳවා තිබේ. ඉරාක භූමිය භාවිතා කරමින් සිදු කෙරෙන මෙවැනි ප්රහාරයන් පාලනය කිරීමටත්, ඒ සම්බන්ධයෙන් වගකීම් සහගතව කටයුතු කිරීමටත් ඉරාක රජය පියවර ගත යුතු බව සෞදි විදේශ අමාත්යාංශය අවධාරණය කරයි.
මැදපෙරදිග කලාපය තුළ පවතින ආරක්ෂක අර්බුද හමුවේ මෙලෙස අසල්වැසි රටක භූමිය උපයෝගී කරගනිමින් එල්ල වන තර්ජන කලාපීය ස්ථාවරත්වයට දැඩි බලපෑමක් එල්ල කරන බව සෞදි බලධාරීන් පෙන්වා දී ඇත. විශේෂයෙන්ම මැදපෙරදිග යුදමය වාතාවරණය උත්සන්න වී ඇති මොහොතක, තම ස්වෛරීභාවය ආරක්ෂා කර ගැනීම සඳහා අවශ්ය පියවර ගන්නා බව සෞදිය වැඩිදුරටත් සඳහන් කළේය. මෙම සිදුවීමත් සමඟ සෞදි අරාබිය සහ ඉරාකය අතර රාජ්යතාන්ත්රික සබඳතාවන්හි යම් නොසන්සුන්කාරී තත්ත්වයක් නිර්මාණය වී තිබේ.
