මාතලේ මහ නගර සභාව සතු දැනට මාතලේ පොලිස් අධිකාරී කාර්යාලය විසින් භාවිත කරනු ලබන, ඉඩම සම්බන්ධයෙන් අප්රෙල් මස 30ට පෙර තිරණයක් ගන්නා ලෙස පළාත් ආණ්ඩුකාර නීතිඥ ලලිත් යූ. ගමගේ මහතා අදාළ බලධාරින්ට දැනුම් දුන්නේය.
මාතලේ මහා නගර සභාව, මාතලේ පොලීසිය, මාතලේ ප්රාදේශීය ලේකම් කාර්යලය, පළාත් කෘෂිකර්ම අමාත්යාංශය, නාගරික සංවර්ධන අධිකාරිය, පළාත් සෞඛ්ය අමාත්යංශය ඇතුළු ආයතන ගණනාවක නියෝජනයෙන් පැවති මෙම සාකච්ඡාවේදී මහ නගර සභාවටත් ශ්රී ලංකා පොලීසියටත්,මහජනතාවත් සාධාරණයක් වන පරිදි නිවැරදී තීරණයකට එළඹීමේ අවශ්යතාවය පළාත් ආණ්ඩුකාරවරයා විසින් පෙන්වා දීම සිදු විය.
මෙහිදී අදහස් දක්වමින් ජ්යෙෂ්ඨ නියෝජ්ය පොලිස්පති නිලන්ත ජයවර්ධන මහතා ප්රකාශ කර සිටියේ දින 07 ක කාලයක් මේ සම්බන්ධයෙන් අවසාන එකග තාවයක් පිළිබද අධ්යයනය කිරීම සදහා අවස්ථාවක් ලබා දෙන ලෙසයි. මෙහිදී පළාත් ආණ්ඩුකාරවරයා විසින් ඒ සදහා අවස්ථාවක් ලබාදෙමින් අප්රේල් මස 30 වැනිදා දක්වා කාලය ලබාදීම සිදුවිය.
මෙම අවස්ථාව සදහා මාතලේ දිස්ත්රීක් පාර්ලිමේන්තු මන්ත්රී රෝහණ දිසානායක, මාතලේ මහ නගර සභාවේ නගරාධිපති සන්ධනම් ප්රකාශ්, මාතලේ මහ නගර සභාවේ නියෝජය නගරාධිපති අමිල නිරෝෂන්, පළාත් ආණ්ඩුකාර ලේකම් ඇන්ටන් තිලකරත්න, පළාත් කෘෂිකර්ම අමාත්යාංශ ලේකම් සුජාතා විජේසිංහ, පළාත් සෞඛ්ය අමාත්යාංශ ලේකම් බී.එච්.එන් ජයවික්රම, නියෝජ්ය පොලිස්පති ශ්රියන්ත පීරිස්, මාතලේ ප්රාදේශීය ලේකම් සී.පී. හිඳගොඩ යන මහත්ම මහත්මීන් ඇතුලු පිරිසක් ද එක් එක් ව සිටියේය.
මාතලේ මහේෂ් කිර්තිරත්න
