2025 වසරේ පැවැත්වුණු අධ්යයන පොදු සහතික පත්ර උසස් පෙළ විභාගයේ ප්රතිඵල අනුව ජීව විද්යා විෂය ධාරාවෙන් දිවයිනේ ප්රථම ස්ථානය දිනා ගැනීමට කොළඹ රාජකීය විද්යාලයේ ඩිලාන් කරුණාරත්න ශිෂ්යයා සමත් වී තිබේ. විභාග දෙපාර්තමේන්තුව විසින් නිකුත් කළ නිල ප්රතිඵල වාර්තාවලට අනුව ඩිලාන් මෙම විශිෂ්ඨ ජයග්රහණය අත්කරගෙන ඇත.
මීට අමතරව කලා විෂය ධාරාවෙන් දිවයිනේ ප්රථම ස්ථානය කුරුණෑගල වයඹ රාජකීය විද්යාලයේ අචින්ත රත්නායක ශිෂ්යයා විසින් දිනාගෙන ඇති අතර ජෛව පද්ධති තාක්ෂණවේදය විෂය ධාරාවෙන් දිවයිනේ ප්රථම ස්ථානය වේයන්ගොඩ බණ්ඩාරනායක මධ්ය විද්යාලයේ ඊෂානි මනෝදා ශිෂ්යාව විසින් දිනාගෙන තිබේ. මෙවර උසස් පෙළ විභාගයේ ප්රතිඵල නිකුත් වීමත් සමඟ දිවයිනේ සෙසු විෂය ධාරාවන්ගෙන් ද ඉහළම දක්ෂතා දැක්වූ සිසුන්ගේ තොරතුරු අනාවරණය වෙමින් පවතින අතර මෙම ජයග්රහණයන් සියලුම සිසුන්ට මහඟු දිරියකි.
සිය පාසල්වලට සහ මව්බිමට මහත් ගෞරවයක් ගෙන දුන් ඩිලාන් කරුණාරත්න ඇතුළු මෙම දක්ෂ දූ දරුවන්ට අපගේ උණුසුම් සුබපැතුම් එක් කරන අතර ඔවුන්ගේ අනාගත අධ්යාපන කටයුතු සාර්ථක කර ගැනීමට ශක්තිය ධෛර්යය ප්රාර්ථනා කරමු.
