මෑතකදී ජනාධිපති අනුර කුමාර දිසානායක මහතා විසින් නම් කරන ලද නව තානාපතිවරුන්, මහකොමසාරිස්වරුන් සහ රාජ්ය තාන්ත්රික නියෝජිතයන් දස දෙනෙකුගේ පත්වීම් සඳහා උසස් නිලතල පිළිබඳ පාර්ලිමේන්තු කාරක සභාවේ පූර්ණ අනුමැතිය හිමි විය. විදේශයන්හි පිහිටි ශ්රී ලංකා දූත මණ්ඩල ප්රධානීන් ලෙස පත් කරනු ලබන මෙම නිලධාරීන්ගේ සුදුසුකම් සහ යෝග්යතාව පිළිබඳව දීර්ඝ වශයෙන් පරීක්ෂා කිරීමෙන් අනතුරුව කාරක සභාව මෙම තීරණයට එළඹ ඇති අතර, ඒ අනුව ඔවුන්ට අදාළ රටවල සිය රාජකාරි කටයුතු භාර ගැනීමට දැන් අවස්ථාව උදා වී තිබේ.
මෙම පත්වීම් ලැබූ පිරිස අතර මැලේසියාවේ මහ කොමසාරිස් ලෙස දර්ශන එම්. පෙරේරා මහතා ද, ජිනීවාහි එක්සත් ජාතීන්ගේ සංවිධානයේ ශ්රී ලංකා තානාපති සහ නිත්ය නියෝජිත ලෙස ඩී.එම්.එස්.පී. දසනායක මහතා ද කටයුතු කිරීමට නියමිතය. ඔස්ට්රියාවේ තානාපති සහ නිත්ය නියෝජිත ධුරය සඳහා දයානි මෙන්ඩිස් මෙණෙවිය පත් කර ඇති අතර, එස්.පී.ඩබ්ලිව්. පතිරණ මහතා රුමේනියාවේ තානාපති ලෙසත්, එන්.අයි.ඩී. පරණවිතාන මෙණෙවිය ඉතියෝපියාවේ සහ අප්රිකානු සංගමයේ තානාපති සහ නිත්ය නියෝජිත ලෙසත් කටයුතු කරනු ඇත. ඊශ්රායලයේ තානාපති ධුරය සඳහා එස්. කේ. චන්ද්රසිරි මහතා පත් කර ඇති අතර, ධම්මික ප්රනාන්දු මහතා කෙන්යාවේ මහ කොමසාරිස් ලෙස ද, අනුර විතානගේ මහතා ලෙබනනයේ තානාපති ලෙස ද නම් කර තිබේ. මීට අමතරව ඉරානයේ තානාපති ලෙස මහාචාර්ය එම්.අයි. ෆසීහා අස්මි මහත්මියත්, පලස්තීනයේ ශ්රී ලංකා නියෝජිත ලෙස එම්. ෆාරුක් එම්. ෆවුසර් මහතාත් පත් කිරීමට උසස් නිලතල පිළිබඳ කාරක සභාව සිය අනුමැතිය ලබා දී ඇත.
