ඊයේට (මාර්තු 03) යෙදී තිබූ “ලෝක වනජීවී දිනය” සැමරීම වෙනුවෙන් ශ්රී ලංකාවේ ජෛව විවිධත්වය ආරක්ෂා කිරීමේ සුවිශේෂී පියවරක් ලෙස තලවිල කොරල් පරය ආශ්රිත ප්රදේශය “තලවිල කල්පිටිය අභයභූමිය” ලෙස නිල වශයෙන් ප්රකාශයට පත් කර තිබේ.
මෙවර තේමාව වූයේ “ඖෂධීය හා සුවඳැති ශාක උරුමය හා ජීවිකාවන් සංරක්ෂණය කිරීමයි.” ප්රධාන සැමරුම් උත්සවය පරිසර අමාත්ය වෛද්ය දම්මික පටබැඳි සහ නියෝජ්ය අමාත්ය ඇන්ටන් ජයකොඩි යන මහත්වරුන්ගේ මඟපෙන්වීම යටතේ යාල ජාතික උද්යානයේ (ලුණුගම්වෙහෙර) පවත්වන ලදී. මීට සමගාමීව “බන්දුලපෙතියා” වැනි වඳවී යාමේ තර්ජනයට ලක්වූ මත්ස්ය විශේෂ සහ දුර්ලභ ශාක ආරක්ෂා කිරීම සඳහා විශේෂ ප්රමුඛතාවක් ලබාදීමට රජය තීරණය කර ඇත.
වනජීවී සංරක්ෂණය සඳහා පවතින නීති රෙගුලාසි සංශෝධනය කරමින් නව නීති හඳුන්වා දීමටත්, වනජීවීන්ට සිදුවන තර්ජන හමුවේ කඩිනම් ප්රතිචාර දැක්වීමටත් රජය පියවර ගෙන තිබේ. පරිසර අමාත්යාංශයේ ලේකම් කේ. ආර්. උඩුවාවල මහතාගේ ප්රධානත්වයෙන් පැවති මෙම උත්සවයට මහාචාර්ය සාගරිකා කන්නන්ගර මහත්මිය ඇතුළු සම්භාවනීය පිරිසක් සහභාගී වූහ.
