ජාතික ඉන්ධන අවසර පත්ර (QR) පද්ධතිය යටතේ මේ වන විට වාහන 5,103,991 ක් ලියාපදිංචි වී ඇති බව ඩිජිටල් ආර්ථික කටයුතු නියෝජ්ය අමාත්ය එරංග වීරරත්න මහතා අද (මාර්තු 17) පාර්ලිමේන්තුවේදී අනාවරණය කළේය. අද පෙරවරු 9.00 වන විට පමණක් මීට පෙර පද්ධතියේ ලියාපදිංචි වී නොතිබූ අලුත් වාහන 439,997 ක් අලුතින් ලියාපදිංචි වී ඇති බව ද අමාත්යවරයා මෙහිදී සඳහන් කළේය.
පවතින ඉන්ධන අර්බුදය හමුවේ ඉන්ධන කළමනාකරණය සඳහා භාවිත වන මෙම QR පද්ධතිය මේ වන විට පුද්ගලයින් 5,094,566 දෙනෙකු විසින් සක්රීයව භාවිත කරනු ලබයි. පද්ධතියට පිවිසෙන පිරිසෙහි කැපී පෙනෙන වර්ධනයක් දක්නට ලැබෙන අතර, මීට පෙර පද්ධතියේ පැවති දෝෂවලින් 95% ක්ම මේ වන විට නිරාකරණය කර ඇති බව ද නියෝජ්ය අමාත්යවරයා වැඩිදුරටත් අවධාරණය කළේය.
මෙම ක්රමවේදය හරහා ඉන්ධන බෙදා හැරීම වඩාත් විනිවිදභාවයකින් යුතුව සිදු කිරීමට හැකි වී ඇති බවත්, ඉදිරියේදී පද්ධතිය තවදුරටත් යාවත්කාලීන කරමින් ජනතාවට වඩාත් කාර්යක්ෂම සේවාවක් ලබා දීමට රජය කටයුතු කරන බවත් අමාත්යවරයා පැවසීය. හෝමූස් සමුද්ර සන්ධියේ පවතින ගැටලුකාරී තත්ත්වය හමුවේ ඉන්ධන පිරිමැස්මෙන් භාවිත කිරීමේ වැදගත්කම ද මෙහිදී යළිත් සිහිපත් කෙරිණි.
