ඊශ්රායල සහ ඇමෙරිකානු ඒකාබද්ධ ප්රහාරවලින් ජීවිතක්ෂයට පත් වූ ඉරාන උත්තරීතර නායක අයතුල්ලා අලි කමේනි ඇතුළු නායකයින් වෙනුවෙන් ශ්රී ලංකා රජය සිය නිල කණගාටුව පළ කර තිබේ. රජයේ ප්රවෘත්ති දෙපාර්තමේන්තුවේ අද (02) පෙරවරුවේ පැවති විශේෂ ප්රවෘත්ති සාකච්ඡාවකදී කැබිනට් මාධ්ය ප්රකාශක, අමාත්ය වෛද්ය නලින්ද ජයතිස්ස මහතා මේ බව ප්රකාශ කළේය.
ප්රහාරවලින් ජීවිතක්ෂයට පත් වූ සියලුම ඉරාන නායකයින් වෙනුවෙන් ශ්රී ලංකා රජයේ ශෝකය ප්රකාශ කරන බව අමාත්යවරයා මෙහිදී සඳහන් කළේය. මෙම තත්ත්වය සම්බන්ධයෙන් ගත යුතු ඉදිරි රාජ්යතාන්ත්රික පියවර පිළිබඳව විදේශ කටයුතු අමාත්යාංශය කටයුතු කරමින් සිටින බව ද ඔහු වැඩිදුරටත් පැවසීය.
මැදපෙරදිග කලාපයේ පවතින උණුසුම් තත්ත්වය හමුවේ ශ්රී ලංකාවේ ස්ථාවරය සහ එහි වෙසෙන ශ්රී ලාංකිකයන්ගේ ආරක්ෂාව තහවුරු කිරීමට රජය ප්රමුඛතාව ලබා දී ඇති බව අමාත්යවරයා අවධාරණය කළේය.
