හලාවත, අඹකඳවිල ප්රදේශයේ සංචාරක හෝටලයක රැඳී සිටිමින් අන්තර්ජාලය ඔස්සේ මූල්ය අපරාධ සිදුකිරීමේ චෝදනාවට අත්අඩංගුවට ගෙන සිටි විදේශිකයන් 152 දෙදෙනා ඇප මත මුදාහැරීමට හලාවත දිසා විනිසුරුවරයා අද (09) නියෝග කළේය. සැකකරුවන් රුපියල් ලක්ෂ 10 බැගින් වූ ශරීර ඇප දෙකක් මත මුදාහැරීමට මෙහිදී පියවර ගැනුණි.
පසුගිය අප්රේල් 02 වනදා සිදුකළ වැටලීමකදී අත්අඩංගුවට ගත් මෙම පිරිස අතර චීන ජාතිකයන් 137 දෙනෙකු සිටි බව මීට පෙර වාර්තා විය. අදාළ හෝටලය තුළ සිටිමින් සංවිධානාත්මක ලෙස මෙම පරිගණක අපරාධ සිදුකරන බවට ලැබුණු තොරතුරක් මත පොලිසිය මෙම මෙහෙයුම ක්රියාත්මක කර තිබුණි. ඇප ලබා දුන්නද මොවුන් සම්බන්ධයෙන් වන වැඩිදුර විමර්ශන අඛණ්ඩව ක්රියාත්මක වේ.
