මාර්ග නීති උල්ලංඝනය කරමින් අනතුරුදායක ලෙස රිය පදවන පුද්ගලයන් පිළිබඳ තොරතුරු පොලිසිය වෙත කඩිනමින් ලබා දීම සඳහා නව වට්ස්ඇප් අංකයක් හඳුන්වා දීමට පොලිස් මූලස්ථානය පියවර ගෙන තිබේ. පොලිසිය මහජනතාවගෙන් ඉල්ලා සිටින්නේ යම් මාර්ග නීති කඩකිරීමක් නිරීක්ෂණය වුවහොත්, එම අවස්ථාවේ ලබාගත් කෙටි වීඩියෝ පටයක් සමඟ අදාළ ස්ථානය, දිනය සහ වේලාව සටහන් කර මෙම අංකයට යොමු කරන ලෙසයි.
මෙම වැඩපිළිවෙළේ ප්රධාන අරමුණ වන්නේ රියදුරන් වඩාත් වගකීමෙන් යුතුව රිය පැදවීමට පොළඹවා ගැනීම සහ මාර්ග අනතුරු අවම කර ගැනීමයි. මහජනතාව ලබාදෙන තොරතුරු විමර්ශනය කර අදාළ රියදුරන්ට සහ වාහන හිමිකරුවන්ට එරෙහිව නීතිමය පියවර ගැනීමට කටයුතු කරන බව ද පොලිසිය වැඩිදුරටත් අවධාරණය කරයි.
