ප්රජාශක්ති ජාතික වැඩසටහනේ මෙහෙයුම් කමිටුවේ තෙවන රැස්වීම අමාත්ය උපාලි පන්නිලගේ මහතාගේ ප්රධානත්වයෙන් ඊයේ (අප්රේල් 06) ජනාධිපති ලේකම් කාර්යාලයේදී පැවැත්විණි. මෙහිදී වැඩසටහන වඩාත් ඵලදායී ලෙස ජනගත කිරීම සඳහා සකස් කරන ලද පස් වැදෑරුම් සන්නිවේදන ප්රවර්ධන සැලැස්මට කමිටු අනුමැතිය හිමි වූ අතර, ව්යාපාරය ක්රියාත්මක කිරීම සඳහා වන සංශෝධිත චක්රලේඛය සහ මාර්ගෝපදේශ කෙටුම්පත පිළිබඳව ද දීර්ඝ වශයෙන් සාකච්ඡා කෙරිණි.
සමාජය සවිබල ගැන්වීම සහ ආර්ථික ප්රතිලාභ සාධාරණව බෙදා හැරීම අරමුණු කරගත් මෙම වැඩසටහන ශක්තිමත් කිරීම සඳහා සෑම ග්රාම නිලධාරී කොට්ඨාසයකටම “සවිබල ගැන්වීමේ නිලධාරියෙකු” බැගින් පත් කිරීමටත්, අවශ්ය සංවර්ධන නිලධාරීන් පිරිස ග්රාමීය සංවර්ධන, සමාජ ආරක්ෂණ හා ප්රජා සවිබල ගැන්වීමේ අමාත්යාංශය වෙත අනුයුක්ත කර ගැනීමටත් මෙහිදී අවධානය යොමු විය. මීට අමතරව රාජ්ය නිලධාරීන් සඳහා වන පුහුණු වැඩසටහන් මාලාව සහ ප්රජා සංවර්ධන සභා පිහිටුවීමේ ක්රියාවලිය කඩිනම් කිරීමට ද තීරණය කර තිබේ.
මෙම අවස්ථාවට ජනාධිපති ලේකම් ආචාර්ය නන්දික සනත් කුමානායක, ප්රජාශක්ති මෙහෙයුම් කමිටුවේ කැඳවුම්කරු මෙන්ම ජනාධිපති ජ්යෙෂ්ඨ අතිරේක ලේකම් කපිල ජනක බණ්ඩාර යන මහත්වරුන් ඇතුළු ඉහළ පෙළේ නිලධාරීන් පිරිසක් සහභාගී වූහ. ග්රාමීය මට්ටමින් ජනතාවගේ ආර්ථිකය නඟාසිටුවන මධ්යස්ථානයක් ලෙස ප්රජාශක්ති ව්යාපාරය ඉදිරියේදී දිවයින පුරා සක්රීයව ක්රියාත්මක වීමට නියමිතය.
