ඇමෙරිකා එක්සත් ජනපදයේ පැවැත්වෙන ලොව සුප්රකට ආර්නෝල්ඩ් ස්පෝර්ට්ස් ෆෙස්ටිවල් (Arnold Sports Festival) සවි එසවීමේ තරගාවලියේදී රන් පදක්කමක් දිනා ගැනීමට ශ්රී ලංකාවේ ප්රවීණ ක්රීඩක රන්සිළු ජයතිලක සමත් විය. ඔහු මෙම ජයග්රහණය වාර්තා කළේ කිලෝ ග්රෑම් 120 ප්රෝ (Pro) අංශය යටතේ තරග වදිමිනි. එහිදී කිලෝ ග්රෑම් 320ක දක්ෂතාවයක් ප්රදර්ශනය කරමින් සමස්ත ඉසව්වේ පෙරමුණ ගැනීමට රන්සිළුට හැකි විය.
මෙවර 37 වැනි වරටත් පවත්වනු ලබන මෙම කීර්තිමත් ජාත්යන්තර ක්රීඩා උළෙල සඳහා ආසියාව නියෝජනය කරමින් සහභාගී වූ එකම ක්රීඩකයා වන්නේ ද රන්සිළු ජයතිලක වීම විශේෂත්වයකි. ලොව පුරා සිටින ප්රබල ක්රීඩකයන් රැසක් අභිබවා යමින් ඔහු ලැබූ මෙම විශිෂ්ට ජයග්රහණය ශ්රී ලංකා සවි එසවීමේ ක්රීඩා ඉතිහාසයට අලුත් අභිමානයක් එක් කර තිබේ.
