මැදපෙරදිග කලාපයේ පවතින යුද තත්ත්වය හේතුවෙන් නැව් සහ ගුවන් යානා ගමනාගමනයට සීමා පනවා ඇති බැවින්, මෙරටට අවශ්ය අත්යවශ්ය සේවාවන් සැපයීමේදී ඉදිරි සති කිහිපය තුළ ප්රමාදයන් ඇති විය හැකි බව ආරක්ෂක නියෝජ්ය අමාත්ය මේජර් ජනරාල් (විශ්රාමික) අරුණ ජයසේකර මහතා පවසයි. අත්යවශ්ය මහජන සේවා පනත යටතේ හදිසි අවස්ථාව ප්රකාශයට පත් කිරීමේ කාලය දීර්ඝ කිරීම පිළිබඳ විවාදය අරඹමින් අමාත්යවරයා අද (06) පාර්ලිමේන්තුවේදී මේ බව සඳහන් කළේය.
ගෝලීය වශයෙන් පවතින මෙම අවිනිශ්චිත තත්ත්වය හමුවේ ඉදිරි සති කිහිපය ඉතා තීරණාත්මක වන බැවින්, අත්යවශ්ය සේවාවන් පවත්වාගෙන යාම සඳහා රජය විශේෂ අවධානයක් යොමු කර ඇති බව ඔහු පෙන්වා දුන්නේය. හදිසි තත්ත්වය තවදුරටත් පවත්වා ගැනීමට තීරණය කළේ ජනතාවට අවශ්ය සේවාවන් බාධාවකින් තොරව ලබාදීම සඳහා බවත්, ඒ වෙනුවෙන් විධිමත් සැලැස්මක් දැනටමත් සකස් කර ඇති බවත් අමාත්යවරයා වැඩිදුරටත් කියා සිටියේය.
