ඉදිරි පැය 36 තුළ දිවයිනේ ප්රදේශ කිහිපයකට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් බස්නාහිර, සබරගමුව, මධ්යම, වයඹ සහ ඌව පළාත්වලත්, ගාල්ල, මාතර, මන්නාරම සහ අනුරාධපුර දිස්ත්රික්කවලත් පස්වරු 2.00න් පසුව වැසි ඇති වීමේ වැඩි සම්භාවිතාවක් පවතියි.
බස්නාහිර, සබරගමුව සහ මධ්යම පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 50 ඉක්මවූ තරමක් තද වැසි අපේක්ෂා කෙරේ. මීට අමතරව මධ්යම, සබරගමුව සහ ඌව පළාත්වල උදෑසන කාලයේදී මීදුම් සහිත තත්ත්වයක් පැවතිය හැකියි. ගිගුරුම් සහිත වැසි සමඟ ඇති විය හැකි තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි.
