පාර්ලිමේන්තු මන්ත්රී රාමනාදන් අර්චුනා මහතා සිය නිල මන්ත්රී වැටුප් පතෙහි ඡායාරූපයක් සමාජ මාධ්ය වෙත නිකුත් කර තිබේ. පසුගිය මාසයේ තමන්ට ලැබුණු වැටුපට අදාළ විස්තර මෙලෙස ප්රසිද්ධ කිරීමට ඔහු පියවර ගෙන ඇත.
එම වැටුප් පතෙහි දැක්වෙන පරිදි, සියලු ව්යවස්ථාපිත කපා හැරීම්වලින් අනතුරුව ඔහුගේ ශුද්ධ වැටුප රුපියල් 395,861.22ක් ලෙස සටහන් වී තිබේ. මන්ත්රීවරයා මෙම පියවර ගෙන ඇත්තේ පාර්ලිමේන්තු මන්ත්රීවරුන්ගේ වැටුප් සහ දීමනා පිළිබඳව මහජනතාව අතර පවතින විවිධ කතාබහ මධ්යයේ විනිවිදභාවය පෙන්වීම සඳහා බව පෙනී යයි.
