2026 විස්සයි විස්ස ලෝක කුසලාන ක්රිකට් තරගාවලියේ ඕමානය සමඟ පැවැති තරගයෙන් කඩුලු 08ක පහසු ජයක් වාර්තා කිරීමට සිම්බාබ්වේ කණ්ඩායම අද (09) සමත් විය. කාසියේ වාසිය දිනූ සිම්බාබ්වේ කණ්ඩායමේ ආරාධනාවෙන් ප්රථමයෙන් පන්දුවට පහරදුන් ඕමාන කණ්ඩායමට පන්දුවාර 19.5ක් තුළ සියලු දෙනා දැවී රැස් කරගත හැකි වූයේ ලකුණු 103ක් පමණි. ඕමානය වෙනුවෙන් විනායක් ෂුක්ලා ලකුණු 28ක් සහ සුෆ්යන් මෙහෙමූඩ් ලකුණු 25ක් ලබාගත් අතර, සිම්බාබ්වේ වෙනුවෙන් රිචඩ් නගරාවා, බ්ලෙසිං මුසර්බානි සහ බ්රැඩ් එවන්ස් කඩුලු 3 බැගින් දවාගනිමින් දක්ෂ පන්දු යැවීමක නිරත වූහ.
ලකුණු 104ක ජයග්රාහී ඉලක්කයක් හඹා ගිය සිම්බාබ්වේ කණ්ඩායම පන්දුවාර 13.3ක් වැනි කෙටි කාලයකදී කඩුලු 2ක් පමණක් දැවී සිය ජයග්රහණය සනිටුහන් කළේය. එහිදී බ්රයන් බෙනට් ලකුණු 48ක් සහ බ්රෙන්ඩන් ටේලර් ලකුණු 31ක් රැස් කරමින් පිත්තෙන් දල්වන්නට සමත් විය. මෙම ජයග්රහණයත් සමඟ “බී” (B) කාණ්ඩයේ ප්රසාද ලකුණු සටහනේ පෙරමුණ ගැනීමට සිම්බාබ්වේ කණ්ඩායම සමත් වූ අතර, ශ්රී ලංකා කණ්ඩායම ද ප්රසාද ලකුණු 2ක් ලබා සිටියත් දළ ලකුණු වේගය අනුව දෙවන ස්ථානයට පත්ව තිබේ.
