ල්ළඹෙන පාපන්දු ලෝක කුසලානය සඳහා වන එංගලන්ත සංචිතයේ සිය ස්ථානය ස්ථිර කර ගැනීමට මැන්චෙස්ටර් සිටි (Manchester City) කණ්ඩායමේ සුපිරි ක්රීඩක ෆිල් ෆෝඩන් (Phil Foden) හට තවමත් නොහැකි වී ඇති බව එංගලන්ත ප්රධාන පුහුණුකරු තෝමස් ටුචෙල් (Thomas Tuchel) පවසනවා.ලෝක කුසලාන සංචිතය තේරීමට පෙර එංගලන්ත කණ්ඩායම ක්රීඩා කළ අවසන් පුහුණු තරග දෙකේදීම ආරම්භක එකොළොස් දෙනා අතරට (Starting XI) ඇතුළත් වූ එකම ක්රීඩකයා වූයේ 25 හැවිරිදි ෆෝඩන් ය. එහෙත් සුපිරි ඉදිරි පෙළ ක්රීඩක හැරී කේන් (Harry Kane) ආබාධයක් නිසා ක්රීඩා නොකළ පසුබිමක, පසුගිය අඟහරුවාදා (මාර්තු 31) ජපානයට එරෙහිව පැවති තරගයේදී ‘ෆෝල්ස් නයින්’ (False Nine) භූමිකාව සාර්ථකව රඟදැක්වීමට ඔහු අපොහොසත් වුණා. එම තරගයෙන් එංගලන්තය ගෝල 1-0ක ඓතිහාසික පරාජයක් ලැබුවා.තරගයෙන් අනතුරුව ෆෝඩන් හට ලෝක කුසලාන සංචිතයේ ස්ථානයක් හිමිවේදැයි මාධ්යවේදීන් නැඟූ ප්රශ්නයට පිළිතුරු දෙමින් ජර්මානු ජාතික පුහුණුකරු ප්රකාශ කළේ, “ඔහු අනිවාර්යයෙන්ම සංචිතයට එනවා කියලා සහතිකයක් දෙන්න බැහැ” යනුවෙනි. ෆෝඩන් පුහුණුවීම්වලදී ඉතා විශිෂ්ට දක්ෂතා පෙන්වන නමුත් එය තරගය අතරතුර පිටියේදී පෙන්වීමට ඔහු අපොහොසත් වන බවද ටුචෙල් වැඩිදුරටත් කියා සිටියා.මෑතකදී මැන්චෙස්ටර් සිටි කණ්ඩායම වෙනුවෙන් ක්රීඩා කිරීමට වැඩි අවස්ථාවක් නොලැබුණු ෆෝඩන්, එංගලන්තය වෙනුවෙන් සහභාගී වූ අවසන් තරග 15න් ආරම්භ කළේ තරග 4ක් පමණි. මේ වසරේ ජූනි 17 වනදා ක්රොඒෂියාවට එරෙහිව සිය ලෝක කුසලාන තරගාවලිය ආරම්භ කිරීමට පෙර තෝමස් ටුචෙල් සිය 24 දෙනෙකුගෙන් යුත් අවසන් සංචිතය එළඹෙන මැයි 30 වනදාට පෙර ෆිෆා (FIFA) ආයතනය වෙත භාර දිය යුතුය.
