ලොව බිහිවූ විශිෂ්ටතම සහ ජනප්රියම ගොල්ෆ් ක්රීඩකයා ලෙස සැලකෙන ඇමෙරිකාවේ ටයිගර් වුඩ්ස් (Tiger Woods) බීමත්ව රිය පැදවීම ඇතුළු චෝදනා තුනක් සම්බන්ධයෙන් වරදකරු වී සිරගත කර තිබේ. පොලිස් වාර්තාවලට අනුව වුඩ්ස් පදවාගෙන ගිය ලෑන්ඩ් රෝවර් (Land Rover) වර්ගයේ සුඛෝපභෝගී රථය ට්රක් රථයක ගැටී පෙරළී බරපතල අනතුරකට ලක්ව ඇත. මෙම සිදුවීමෙන් පසු ඔහුට එරෙහිව බීමත්ව රිය පැදවීම, පොදු දේපළවලට හානි සිදුකිරීම සහ බීමත්කම පරීක්ෂා කරන නිල මත්පැන් පරීක්ෂණය (Breathalyzer test) ප්රතික්ෂේප කිරීම යන චෝදනා එල්ල විය.
ගොල්ෆ් ඉතිහාසයේ වාර්තා රැසකට හිමිකම් කියන ටයිගර් වුඩ්ස්, මීට පෙර ද මෙවැනිම රිය අනතුරු සහ විනය ගැටලුවලට මුහුණ දී තිබූ අතර මෙම සිරගත කිරීම ඔහුගේ ක්රීඩා දිවියට මෙන්ම ජාත්යන්තර ප්රතිරූපයට ද දැඩි බලපෑමක් එල්ල කරනු ඇතැයි විචාරකයෝ පවසති. ඔහුට නියම වී ඇති සිර දඬුවම් කාලය සහ ගෙවීමට ඇති දඩ මුදල් පිළිබඳව ඇමෙරිකානු අධිකරණය ඉදිරියේදී වැඩිදුර තොරතුරු හෙළි කිරීමට නියමිතය. ලොව පුරා විසිරී සිටින ඔහුගේ රසිකයන් මෙම පුවතත් සමඟ දැඩි කම්පනයට පත්ව සිටිති.
